Read abua Nehemaya 7 Bible Online

Nehemaya 7 - abua bible

Nehemaya 7

¹Iru ni ẹteeny mem dị mọmadan ọḅile ọlogh iikpe phọ, mọmeremi rughuugh ạrunhu-aḍibuo phọ, kụ mọngo bukoriom Otu Ịiḅereghi phọ rꞌạbumoor sụor iigbia phọ ḅịle rꞌạbuo aLivai rạraar oḍighi ịlo oye rꞌoye.

²Mị ụlogh ni ịyal awe ọda ẹmha phọ aJeruselem: Hanani umor phọ ạmi rꞌaHananaya uwo ẹmhu ạbuo ẹgham mọ. AHananaya aḍighi oye dị rạdaph ghan Ẹnaan kụ ạkpe oḍuom ologhi apu bụnon.

³Mị ụḅeni bịdi mọ kúkughuron ghan rụnhu-aḍibuo phọ aJeruselem ḍịroor tụtu erumuḍio memite, ḅịle rꞌoghughi yogh ghan ọkasi rughuugh mem adulhe tụtu abukoriom kọki iiḍighi. Mị ụḅile ni ạḅeni bịdi mọ ọson bukoriom sịphe igbo awe phọ orugh bọ Jeruselem, kụ ọḅile ọma buniin riisi iiḍighi lọ ẹkpe, kụ ạbueri phọ orelhe ghan ooghironom ruutu phọ ạbidi oomo amem.

⁴AJeruselem aḍighi ni egbogh ẹmha, ọoloogh awe kụ útugh ologhi phọ kụ ịbadi aruutu kụ ị́tol mem mọ ọpo.

⁵Ẹnaan ịḅogh ni ịmi ookpomoghi awe rꞌabuḍiemiom ạbidi rꞌạbuo ịtooghi phọ ḅịle rꞌọoḅeghion ịge ịlo arughunughun. Mị uphogh ịge ịlo ạbuphe ọphur bọ origheel ẹpe ạdol ọmiinom mọ, kụ ịphen kụ ịdi mị ạmiin:

⁶Ịbadi ạbuphe ọrol bọ rạmha ọmiinom mọ ụwile ni eelhe phọ ạBabilon kụ origheel ẹpe Jeruselem rꞌaJuda; awe phọ ạbuen ugheel rạmha phọ ạbidi kụ ọrol. Arughunotu phọ ạbidi ụrol ghan eelhe ạBabilon ẹpe ạramha ọmiinom kꞌamem mọ ạNebukadnezar ogbogh ọdaam mọ ạsighe bọ bịdi ạḍuanam.

⁷Bụen kụ abuḍiemiom mọ ạbidi: Zẹrubabel, Josua, Nehemaya, Azaria, Raamaya, Nahamani, Modekai, Bilsan, Mịsperet, Bigvai, Nẹhum rꞌaBaana.

⁸Ḍịen kụ ạḍikool aropolo phọ Ịzirel rꞌọnhu awe phọ ạbuphe ọḍua bọ rạmha ọmiinom mọ kụ origheel ọto atum ọto: Paros — 2,172 Sefataya — 372 Ara — 652 Pahat Mọab (oghiil ạnmuny aJesua rꞌaJoab) — 2,818 Ilam — 1,254 Zatu — 845 Zakai — 760 Binui — 648 Bebai — 628 Azgad — 2,322 Adonikam — 667 Bigvai — 2,067 Adin — 655 Ater (ọpo rokol ghan bọ mọ ạHezekaya) — 98 Hasum — 328 Bezai — 324 Harif — 112 Gịbion — 95

²⁶Awe dị ạburude ạburude ạbidi orugh rạmha phọ ịphen ọgo bọ urigheel aani ni: Bẹtilihem rꞌaNetofa — 188 Anatot — 128 Bẹt-Azmavet — 42 Kịriat Jiarim, Kefira rꞌaBeerot — 743 Rama rꞌaGeba — 621 Mikmas — 122 Bẹtel rꞌEai — 123 Ọphori phọ aNebo — 52 Ọphori phọ Ilam — 1,254 Harim — 320 Jeriko — 345 Lod, Hadid rꞌOno — 721 Senaa — 3,930

³⁹Ḍịen kụ ạḍikool ariil ạrikia phọ ọḍua bọ rạmha ọmiinom mọ kụ origheel ọto atum ọto: Jedaya (oghiil ạnmuny aJesua) — 973 Imer — 1,052 Pashur — 1,247 Harim — 1,017

⁴³Aropolo ạbuo aLivai phọ ọḍua bọ iiruen origheel: Jesua rꞌạKadmiel (oghiil ạnmuny aHodavaya) — 74 Ạbuo ạsuor rꞌephegh sịphe Otu phọ (oghiil ạnmuny Asaf) — 148 Abukoriom Otu phọ (oghiil ạnmuny aSalum, Ater, Talmon, Akub, Hatita rꞌaSobai) — 138

⁴⁶Aropolo ạbuo iiḍighi Otu phọ dị ọḍua iiruen origheel: Ziha, Hasufa, Tabaot, Keros, Sia, Padon, Lẹbana, Hagaba, Salmai, Hanan, Gịdel, Gahar, Riaya, Rezin, Nekoda, Gazam, Uza, Pasea, Besai, Meunim, Nefusesim, Bakbuk, Hakufa, Hahur, Bazlit, Mehida, Harsa, Bạrkos, Sisera, Tema Nezaya rꞌaHatifa

⁵⁷Abutelhedom ạSolomon dị ọḍua iiruen origheel ọto atum ọto: Sotai, Soferet, Perida, Jaala, Dakon, Gịdel, Sefataya, Hatil, Pokeret Hazebaim rꞌẠmon.

⁶⁰Oomo ạnmuny ạnmuny ạbuo iiḍighi otu phọ rꞌabutelhedom ạSolomon dị ọḍua iiruen origheel ụman 392.

⁶¹Ạbuo aropolo aDelaya, Tobaya rꞌaNekoda dị ọḍua rạmha Tel Mela, Tel Harsa, Kerub, Adon rꞌImer kụ origheel ụman 642, kụ ịyaar elegh ị́tol oḍeenaan mọ bịdi ạnmuny ạnmuny ạbuo Ịzirel.

⁶³Ịphen kụ aropolo ariil ạrikia dị ịge ịlo oghiil aḍimite phọ ạbidi ị́tol: Hobaya, Hakoz rꞌaBazilai (Ogbogh ọde ọto ariil ạrikia aBazilai aphin ạnir ọto aBazilai ọlo ạGiliad kụ romeera ghan ḍien ọto ọyogo phọ ạbidi.) Ịdi eḍighi bọ bịdi útue bọ úḍeenaan oghiil aḍimite phọ ạbidi, ụ́sighe bịdi oḍighi ariil ạrikia.

⁶⁵Opoghom eelhe ọlo aJu phọ ạḅeni bịdi mọ bịdi kóle eḍien lọ ọngo Ẹnaan tụtu oyil ạrikia ạrol dị kạmoogh ịyaar oḍighinom ịyaar phọ rọsaam ghan bọ ẹlhel olegheri ologhi Ẹnaan.

⁶⁶Ọnhu oomo awe phọ ọḍua bọ iiruen origheel — 42,360 Abutelhedom ạbidi, alephiri rꞌạnmariir 7,337 Ạbuo ạsuor rꞌephegh, alephiri rꞌạnmariir — 245 Ạrusu — 736 Ạrusu adool — 245 Ạsikamel — 435 Ịnam adool — 6,720

⁷⁰Ọoloogh awe usogh ni iisogh ịlo ọloghonaan ạḍighaagh ọkpe amaliom oselemiom Otu Ịiḅereghi phọ: Ọdaam eelhe phọ — 8 igbogh ọtoom ẹemor agol — 50 iḍukuru ạsigbagba arukumuan otu — 530 ịgorogoro ibura ariil ạrikia phọ Aruwo ẹmhu aropolo — 168 igbogh ọtoom ẹemor agol — 1,250 igbogh ọtoom ẹemor asilva Ạbueri phọ awe phọ — 168 igbogh ọtoom ẹemor agol — 140 igbogh ọtoom ẹemor asilva — 67 ịgorogoro ibura ariil ạrikia phọ

⁷³Ariil ạrikia phọ, ạbuo aLivai phọ, abukoriom Otu phọ, ạbuo ạsuor rꞌephegh phọ, ịbadi oopho awe, ạbuo iiḍighi sịphe Otu phọ — oomo phọ awe phọ Ịzirel — ụghi kụ orughogh ịbam rꞌigbogh ạramha phọ aJuda.