Read abua Job 23 Bible Online

Job 23 - abua bible

Job 23

¹Mị ạḅile ni rạḅa esi Ẹnaan; mị kátue ạbile ịkuph phọ ạmi.

³Ḅẹlee mọ mị alegheri ni esi lọ mị kạmiin nyọdi, ạḅile alegheri ịlo orelhe kụ osi ẹpe ọdi odi bọ.

⁴Ọbo mị mụkaaph ḍighiton phọ ạmi risigh ọdi, ạḅile ạmaaghi oomo ịlo miḍighi kụ aḍighiton phọ igheel ịmi.

⁵Mị rạwa olegheri ịpe ọdi mụḅem bọ, ḅịle rꞌịpe ọdi mụphagharanaan bọ ịmi.

⁶Ẹnaan kẹsighe ni oomo ịnyaam mọ ọdi kụ isomoriom ịmi ḍụghum? Eeye, ọdi kạnaghanan ni ịduon mị rạkaaph bọ.

⁷Mị ọkpe rạ́gba, mị mutue ni ạmoogh ruupuruan rꞌẸnaan; ọdi mutue ni ạḅem mọ mị ụ́piom bịn emuneen.

⁸Mị mạwa ni ẹpe erumuḍio phọ remite ghan bọ, kụ ọlo Ẹnaan ẹpe ílho. Mị ụ́miin nyọdi mem dị mị ạwa bọ ẹpe erumuḍio phọ remeel ghan bọ.

⁹Ẹnaan meḍighi oḍighi ẹpe ephunom mọ ḅịle rꞌẹpe esoorom mọ, kụ ọlo mị kọ̋miin kẹn ni nyọdi.

¹⁰Ghạlamo ịduon phọ ni Ẹnaan elegheri ni oomo ịgbaranuom aruwol ạmi; eḍighi ịyaar dị ọdi uphogh ịmi, ọdi kạmiin ni mọ mị aseleman ni.

¹¹Mị ạkaraghi ni kụ rạdaph eten phọ ẹpe ọdi ạsaḅar bọ, ḅịle mị rꞌamem ụ́gbol ụki ḍịghaagh.

¹²Oomo amem mị raḍighi ghan ịpe Ẹnaan ẹto bọ; mị rạdaph ghan ogbi phọ ọdi kị́lo ịḅeeraan ịmi.

¹³Ọdi ránmia ghan. Oye ólho dị katue ạmerenyan nyọdi ọbo ọbo akikima nyọdi oḍighi ịlo ọdi rạwa oḍighi.

¹⁴Ọdi kaḍighi ni amuneni ịlo ọdi mugbiighinaan ịmi; ogbi phọ ọpo aḍighi oniin bịn esi ịbadi ịdi ọdi ạmoogh.

¹⁵Loor esi oghiilaan mị rakpereghaan ghisigh ọdi.

¹⁶Ẹnaan Oomo Ịikpo phọ maphiemi ạkpo ologhi phọ ạmi. Ẹnaan phọ kúfiri kụ eḍighi bọ ịdi aruugu rusiph ịmi — ghạlamo ịduon ufiri maḍighi bọ ịdi mị eten ụ́miin mun.