Read abua Job 27 Bible Online

Job 27 - abua bible

Job 27

¹Mị akunya esi aḍien Ẹnaan Oomo Ịikpo phọ ẹpe edi ghan bọ bịn, ọpo úmeera bọ usophonaan ịmi iiḅi ịiruen kụ aḍighi bọ ịdi aghuḍum ạmi rakiḍim —

³ịduon Ẹnaan rịngo bọ ni ịmi ḍiphooghu,

⁴ịidoronhu ạmi ịkaraph kẹ́kaaph, anem ạmi ọkpe kẹ́gba.

⁵Mị kátue ạḅem mọ nyina edi ni elhiom. Mị kạpamanam ni mọ mị ịyaar ụ́piom tụtu mị amugh.

⁶Mị kạ́bile ọghaaph ghan mọ mị odi ni elhiom; ịitu-ologhi ạmi ịkaraph ílho.

⁷Ẹnaan ẹliom ịdipho ịkaraph awe dị úlho dọl aruukuan oomo awe lọ úmeeraam ịphen ạmi kụ ọḅile ruruphiom ịmi ẹgham!

⁸Eeghe oḍuom ologhi kụ odianaan weye dị Ẹnaan úlegheri mem mọ ọpo Ẹnaan kẹmagh bọ ẹsighe ghuḍum mọ ạbidi?

⁹Mem dị ịiḅaghami eru, Ẹnaan Oomo Ịikpo phọ kẹnaghan ni emoghi ạbidi ḍụghum?

¹⁰Ịkpe ni dị bịdi mụwa ọmoogh aani iboh phọ ọdi rạngo ghan bọ; ịkpe ni dị bịdi mụuḅereghi ghan nyọdi oomo amem.

¹¹Mị kịtughemi inyina ịdi ịikpo phọ Ẹnaan ẹbugh, ạḅile ạkaaph amitiom ịpe Ẹnaan Oomo Ịikpo phọ magbiighi bọ.

¹²Kụ ọlo, ọmaar ogbi, nyina rꞌaloor mẹmiin ni; eeghe kụ iḍighi bọ kụ nyina rẹkaaph bọ ọghaaph arolologhi?

¹³Ịduon phọ kụ ịdi Ẹnaan Oomo Ịikpo phọ rạliom ghan ịkaraph awe dị oḍighi rọokom-enu.

¹⁴Bịdi ọmoogh ịbadi ạnmuny, kụ ọlo kọze ni oomo ạbidi erugh ẹgham; ạnmuny ạbidi rọ́moogh ghan ẹlo olhe dị ẹkasian.

¹⁵Bụlo okpetenaan komughom ẹzegh, kụ ghạlamo arukpukele ạnmariir phọ ạbidi bịn kómoghi ḍuugh phọ ạbidi.

¹⁶Ọkaraph oye ạmoogh oboom asilva dị kótue ogbi rꞌạrusuoma dị epel oniin oye ọmoogh;

¹⁷kụ ọlo oniin ogey oye kụ kạkpologhian rụsuoma phọ ịpe phọ, ḅịle oniin oye aghuḍuul kụ kạmoogh silva phọ ọpo phọ.

¹⁸Ạbukaraph awe rodoghoḍi ghan ruutu ịdipho ọseki-ụbeku rꞌịdipho ogbogo ẹbene dị rakori ghan iizo.

¹⁹Ọony ekulha amem bịdi kọmina ni ude rꞌeboom ẹelha, kụ mem dị bịdi oḅerenu, bịdi kọmiin mọ ẹelha phọ ạbuno mephe.

²⁰Aruugu kasiph bịdi ịdipho ạmuum-aḍigho dị aru ekperenom; ookuugh aḍughul kụ kapula bịdi ạsighiogh.

²¹Ookuugh kꞌẹpe erumuḍio phọ remite ghan bọ kaḅeer bịdi sịphe aruutu phọ ạbidi,

²²kaḅoor bịdi reten dị igbiririph kẹ́tol, ghạlamo bịdi eenaan ni ịlo osuma.

²³Oghim mọ kaporogh ni bịdi ịdipho bịdi oghiil bọ rọki, kụ ạsighe ịikpo ọphueghiom ạraraar kụ asiphe bịdi ruugu.