Read abua Job 35 Bible Online

Job 35 - abua bible

Job 35

¹Job, íḍighi elhiom dị nạ kạḅem mọ nạ aseleman ni risigh Ẹnaan,

³ọbo kẹn opuru Ẹnaan mọ, “Ịkaraph phọ ạmi iḍighi ika kụ rẹeḅaghami bọ nyịna? Eeghe kụ ạsuo ạmi mem dị ịkaraph mị úḍighi?”

⁴Mị kạphagharanaan nyịna rꞌạrighiri phọ ạna kẹn ni.

⁵Pogh ẹpe okuaḍio phọ. Mịin ịdi ọotu phọ ạkel ạnyu.

⁶Eḍighi ịyaar dị nạ aḍighi ịkaraph, ịpe phọ kétue eḍighi ịyaar Ẹnaan. Eḍighi ịyaar dị nạ aḍighi ịkaraph ịbadi amem, ịpe phọ keḍighi ni nyọdi ịyaar?

⁷Ạdol aruukuan phọ ạna ketue ni ẹloghonaan ḍịghaagh Ẹnaan ḍụghum? Ịyaar ílho dị Ẹnaan rẹwa ḍịghaagh ạna.

⁸Ạbunon awe ịduon ạna kụ rọmiinom ghan esi ịkaraph phọ ạna, ḅịle igey lọ nạ aḍighi rẹloghonaan ghan ḍịghaagh bịdi.

⁹Mem dị rọgbiphoghom weye, bịdi rọkuph ghan ni bịdi romoghi ghan ni ọwa oye lọ kạpel bịdi.

¹⁰Kụ ọlo bịdi rọ́ki ghan esi Ẹnaan phọ ẹlhem bọ bịdi, ọpo rẹngo ghan bọ bịdi oḍuom ologhi mem ogbogh ufiri ạbidi.

¹¹Bịdi rọ́ki ghan esi Ẹnaan phọ rịngo ghan bọ iyira olegheri-ịyaar, olegheri-ịyaar dị apu ọlo ịnam rꞌịnun.

¹²Bịdi romoghi ghan ọloghonaan ạḍighaagh, kụ ọlo Ẹnaan rẹ́naghan ghan, loor esi dị bịdi ịkaraph awe dị ophoophe loor.

¹³Emoghi phọ ạbidi ị́moogh ịyaar oḍighinom; Ẹnaan Oomo Ịikpo phọ kẹ́miin ḅịle kẹ́naghanan bịdi.

¹⁴Job, nạ ụḅem mọ nạ kạ́miin Ẹnaan; kụ ọlo kpạram akori — aḍighiton phọ ạna edi ni rꞌọdi.

¹⁵Nạ ragbiom ghan mọ Ẹnaan rẹ́liom ghan, mọ ọdi ọ́maghami ịkaraph ịyaar.

¹⁶Ị́moogh ịyaar oḍighinom ịduon nạ ạghaaph bọ rạkiom; eḍeenaan mọ nạ ólhegheri ịpe nạ rạkaaph bọ.