Read abua Ạsuor 12 Bible Online

Ạsuor 12 - abua bible

Ạsuor 12

¹Ọmoogh-we, tue ụlhoghonaan iyoor ḍịghaagh. Rꞌoniin oye ạghusan ósugha mun. Kótue mun ọmiin we aruukuan.

²Oniin rạgbaam ghan nyoniin ọkpe bịn. Ịidoronhu ootumeniom rꞌẹḍim ologhi kụ ạraghaaph phọ ạbidi.

³Ọmoogh-we, kpomori yogh sinem iitunyan rꞌiituma phọ ịpe! Kpereghi rụnhu ạbuphe rọḅem ghan bọ mọ,

⁴“Rꞌikpo ọnhu phọ ayoor bịn yoor kọmoogh ni tọro ịyaar lọ yoor rọwa, rꞌịlo eḍigh ologhi ayoor, yoor kọḅem ni, kụ oye lọ kusophoghom iyoor mọ kẹ́ḅem ólho.”

⁵Kụ Ọmoogh-we phọ ạḅem, “Mị katu loor esi ịgbiphoghom ạbuo arukulom mọ rꞌịḅiphighu ạbuphe ekuom bọ. Mị kạtagharan bịdi ịdipho bịdi rokori ghan bọ.”

⁶Aruguan Ọmoogh-we phọ igey aruguan ni dị amabi úlho ghan. Aruguan phọ ọdi ẹkigh ịdipho asilva dị ọloghoḍi ologhi ạnian oḍual amem kụ aḍizu phọ ị́kpoghoronaan.

⁷Bụo ạsipioghom oleeny eleeny tọrobo ekpisi kụ oomo awe rọseph ghan ịpe eḍighi bọ ịkaraph. Ọmoogh-we, uuko ni iyoor esi ọdo awe phọ ạbuphe. Kámeera yoor omeel oḍighanaan bịdi.