Read abua Ạsuor 138 Bible Online

Ạsuor 138 - abua bible

Ạsuor 138

¹Mị ạseph nyịna, Ọmoogh-we, rꞌoomo ologhi ạmi; mị rạmoor kạsephom nyịna risigh ạruukpaany kꞌẸnaan.

²Mị asoman Otu Iigbia phọ ạna, azumeri ẹmhu, kụ ạseph ḍien phọ ạna loor esi ẹphomoghian phọ ạna rémuneen ghan bọ ḅịle rꞌamabi rạ́tol ghan bọ, loor esi dị nạ maḍeenaan mọ aḍien ạna rꞌịtooghi ạna kụ ịkar igbogh.

³Nạ ụnaghanan ni ịmi mem dị mị ạmagh nyịna; ịnyaam mọ ạna kụ ịngo ịmi ịnyaam.

⁴Oomo ạbudaam mọ odi bọ aḅirini phọ kọseph nyịna, Ọmoogh-we, loor esi dị bịdi mọnaghan ịpe nạ aguanaan bọ.

⁵Bịdi kọmoorom ịlo ịpe nạ maḍighi bọ rꞌịlo eboom eegu phọ ạna.

⁶Ghạlamo ịduon nạ odi bọ kꞌekpisi dị ẹkel ạnyu, nạ rạpam ni bụphe osooromi bọ siloor, kụ bụo ophoophe aloor kótue ọbooghian esi ạna.

⁷Mem dị ịiḅaghami ikoom ịmi, nạ ạmaar ụpham ịmi. Nạ eenan bụmulogh-ḍien ạmi kụ ụphelom ịmi ịikpo phọ ạna.

⁸Nạ kaḍighi ni tọrobo ịyaar lọ nạ maguanaan; Ọmoogh-we, ẹphomoghian ạna edi ghan bịn. Muneni oḍighi phọ nạ mamiigh bọ.