Read abua Ạsuor 14 Bible Online

Ạsuor 14 - abua bible

Ạsuor 14

¹Bụo elologhi rọḅenian ghan siloor mọ Ẹnaan ílho. Bịdi mọopuan siloor kụ roḍighi yogh ghan ugbini ugbini. Oniin ólho dị raḍighi ghan igey.

²Ọmoogh-we phọ ạtol ẹpe kꞌạke kụ rapogh ghan we sịen ade phọ, ọmiin mụghumo bụlo ọnaghan ḍụghum odi ni dị rọwa olhegheri Ẹnaan.

³Oomo phọ ạbidi mophe eten, ọopuan siloor. Rꞌoniin ọnyo ạbidi lọ raḍighi ghan ịlo ẹnighe, rꞌoniin ólho.

⁴Ọmoogh-we phọ rapuru ghan mọ, “Bịdi úlegheri ḍụghum?” “Rọ́naghanan ḍụghum kẹn?” Bịdi odianaan omiighi ghan awe phọ ạmi bịn ịmi rụ́uḅereghi ghan.

⁵Kụ ọlo aruugu kasiph ni bịdi ịdi eḍighi bọ Ẹnaan odianaan ghan bụphe rọnaghanan bọ nyọdi.

⁶Bụo ạsipioghom mọ rọpueghi ghan ịitughian awe lọ osooromi loor ạbidi kụ ọlo Ọmoogh-we phọ kụ ọpelia ạbidi.

⁷Mị ạkar ri rạlom mọ ọkpar opu kạḍua ẹpe Zạyon atu ạteeny Ịzirel. Pọ eeghe ọdo ọḅaal ologhi dị awe Ịzirel kọmoogh mem dị Ọmoogh-we phọ kạḅile ạngo bịdi ẹeḍiom.