Read abua Ạsuor 142 Bible Online

Ạsuor 142 - abua bible

Ạsuor 142

¹Mị ạmagh Ọmoogh-we phọ ọphel ạmi. Mị ạaḅereghian nyọdi.

²Mị atumom esi ọdi oomo ịiḅaghami phọ ạmi; mị ạḅeni nyọdi oomo ịkunuma phọ ạmi.

³Mem lọ mẹphughan esi ạmi, ọdi alegheri ni ịdi ẹkpe dị mị kaḍighi. Sịphe eten phọ mị ratelhe bọ, ạbumulogh-ḍien ạmi mụkpaminaan ịmi ḍiphil.

⁴Mem lọ mị aphogh ọogaany ạmi, mị ạmiin mọ oye ọphel ạmi ólho, oye ookpereghi ạmi ólho. Oye lọ ruphogh ịmi ólho.

⁵Ọmoogh-we, mị amoghiom nyịna mọ tue ụlhoghonaan ịmi ḍịghaagh; nạ Ọmoogh-we kụ ọpelia ạmi, nạ bịn kụ oomo ịdi mị rạwa sịen mị odi bọ eye phọ.

⁶Nạghanan emoghi ạmi ụphel ịmi loor esi dị oḍuom-ologhi ạmi mamuneen. Ụphel ịmi ạsighe esi ạbumulogh-ḍien ạmi; ịnyaam ạbidi epu ịlo ạmi.

⁷Ḍighi ịdi mị kakpetenaan ịiḅaghami phọ ạmi; kụ mem dị awe phọ ạna ookpomoghan mị kạseph ni nyịna esi ịma phọ ạna esi ạmi.