Read abua Ạsuor 26 Bible Online

Ạsuor 26 - abua bible

Ạsuor 26

¹Ọmoogh-we, soph ọoruen ạmi, ịdi eḍighi bọ mị ratelhe ghan kọl kọl kọl, ạḅile aḍuom nyịna ologhi ạmadan.

²Ọmoogh-we, ụwaaghi ịmi, uḅiligha ịmi, ạaḅeghion rụuphua rꞌigbiighi ạmi aphogh.

³Ẹphomoghian phọ ạna rémuneen ghan bọ kụ rirelhiom ghan ịmi. Mị rạdaph ghan riliom areten phọ ạna.

⁴Mị úuḍikuan rꞌawe dị úseleman. Mị rꞌawe ịyal asinem ụ́ḅoph ezue.

⁵Ọḅophoghan rꞌawe ạsipioghom mọ ukia ni ịmi, ḅịle mị ráḍighom ghan bụo ạsipioghom mọ.

⁶Ọmoogh-we, mị maatola rạghaagh ạmi aḍeenaan nyịna mọ mị úlegheri aani mị ạḅile ratelhe ghan kakitonom enmeny ịyaar aghuḍum mọ ạna.

⁷Mị kạmoor ḍụor ọsephom ạna. Mị kạkaaph ịlo iiḍighi aruugu phọ ạna.

⁸Ọmoogh-we, mị ạpomoghian otu amarugh phọ ạna, sịphe arughuenian phọ ạna erugh bọ.

⁹Kạ́ḅar uwaloor ạmi rꞌọlo ạbuo ạsipioghom mọ apiemi. Kạ́ḅophoghiom ghuḍum ạmi rꞌọlo ạbuphe rozu ghan bọ ịḅaal phọ,

¹⁰bụphe ạraghaagh ạbidi ị́ḅaal bọ loor ạsipioghom mọ ạbidi, ḍịghaagh elhiom ạbidi ịgara kụ imuza.

¹¹Kụ mị ratelhe ghan kọl kọl kọl. Ụnma ịmi ighirigiir ụtagharan.

¹²Mị ạmoogh ni pẹleeny esi oomo omuzaan aḍuugh; sịphe ogbo ookpomoghan awe phọ ọdi kụ mị ạseph Ọmoogh-we phọ.