Read abua Ạsuor 28 Bible Online

Ạsuor 28 - abua bible

Ạsuor 28

¹Ọmoogh-we, nạ kụ ọdi mị ramoghiom. Ọpelia ạmi, nạghan emoghi phọ ạmi. Eḍighi mạar dị nạ ịmi ụ́phagharanaan, mị kạtol rꞌạbuphe kokeel bọ ude ẹpe aḅirini ạbuphe momugh bọ.

²Ụnaghanan ghan ịmi tọro amem lọ mị ramoghiom nyịna ọloghonaan ạḍighaagh, mem lọ mị aphoophe rạghaagh ạmi asomori ẹpe Otu Iigbia phọ ạna.

³Kụ́ḅaram ịmi rꞌạbuo ạsipioghom mọ rꞌạbuo igborion phọ aphoroghom, bụphe opu bọ bịn rọkaaph ghan rꞌoduugha-ọnhu kụ ịpe edi bọ iloghi phọ ạbidi kịro ni.

⁴Dạphan ịdipho iiḍighi phọ ạbidi ẹrol bọ kụ ạkpiom bịdi; ạdaphan sịpioghom rꞌịkaraph ạraaghara phọ ạbidi kụ aḅulemian bịdi.

⁵Ịdi eḍighi bọ bịdi ụ́logh elegh ịpe Ọmoogh-we phọ maḍighi bọ mꞌesi ịpe ọdi mạlhem bọ, ọdi kanyuughi ni bịdi alereghi apiemi, bịn káḅerion mun bịdi kꞌagee-pọ.

⁶Ạḍiseph ẹrolonaan Ọmoogh-we phọ ịdi eḍighi bọ ọdi mạnaghan ẹḍogh ịlom ọloghonaan ạḍighaagh phọ ạmi.

⁷Ọmoogh-we phọ kụ ịnyaam ạmi rꞌoghoph ạmi. Mị aḍuom nyọdi ologhi. Ọdi mụlhoghonaan ịmi ḍịghaagh kụ iḍighi kụ mị kạlogh ḍụor ạmoor aboom nyọdi.

⁸Ọmoogh-we phọ kụ ịnyaam awe phọ ọdi rꞌỌpelia ọdaam mọ ọdi ạsaḅar bọ.

⁹Pẹl we phọ ạna, Ọmoogh-we, kụ ạseph bụphe oru bọ bụo kꞌạna. Ḍighi okoriom ạbidi ạḅile aphogh bịdi kꞌagee-pọ.