Read abua Ạsuor 29 Bible Online

Ạsuor 29 - abua bible

Ạsuor 29

¹Iboom Ọmoogh-we phọ, nyina ạbuphe edi bọ kꞌạke, eboom eghuan phọ ọdi rꞌịikpo phọ ọdi.

²Ịngo Ọmoogh-we phọ eghuan dị ẹkasian rꞌaḍien phọ ọdi, kụ ekpuḍian ghan ẹeḅereghi ghisigh Oye Aruukuan phọ.

³Ịnaghan ẹḍogh Ọmoogh-we phọ ẹpe ạriphiiny phọ. Ẹnaan arughuenian ạmaphaan kụ ẹḍogh ọdi emenyon ạnyu ọphiiny phọ.

⁴Ẹḍogh Ọmoogh-we phọ ẹmoogh ni ịikpo; ẹḍogh Ọmoogh-we phọ ẹḅaram ni rughuenian rꞌeegu.

⁵Ẹḍogh Ọmoogh-we phọ rebunughi ghan rạsaga, rebunughi ghan ghạlamo rꞌạrasaga ịpe ạLebanon.

⁶Kụ raḍighi ghan ịdi ạraaḅaraph ạLebanon repeleghu ghan dịadi ạnmuny ạsinam, ạḅile aḍighi ịdi Eegum ạHermon epeleghu ịdipho onyugheel ạnam.

⁷Ẹḍogh Ọmoogh-we phọ remitiom ghan nem ạnian.

⁸Ẹḍogh Ọmoogh-we phọ repighemi ghan ẹdala phọ; Ọmoogh-we phọ rapighemi ghan ẹdala phọ aKades.

⁹Ẹḍogh Ọmoogh-we phọ meḍighi ịdi oghunughun rakun ọya ọnuen. Ẹḍogh Ọmoogh-we phọ reḅonyon ịla ireeny ẹpe ẹekpua phọ. Kụ sịphe Otu Ịiḅereghi phọ ọdi oomo awe phọ rọmoor ghan koboom rughuenian phọ ọdi, ọḅile rọkaaph ghan ịlo eegu phọ ọdi.

¹⁰Ọmoogh-we phọ ạtol ạnyu ạmuum-aḍigho phọ; Ọmoogh-we phọ ạtolom ạgada ạbudaam kꞌagee-pọ.

¹¹Ọmoogh-we phọ rạngo ghan we phọ ọdi ịnyaam; kụ ạḅile ạsephom bịdi rꞌẹepho.