Read abua Ạsuor 4 Bible Online

Ạsuor 4 - abua bible

Ạsuor 4

¹Ụphagharanaan ịmi mem lọ mị ạmagh nyịna. Nạ Ẹnaan, ọsuaram ạmi. Mem dị mị ạrol esi ịiḅaghami nạ ụlhoghonaan ni ịmi ḍịghaagh. Ụnma ni ịmi ighirigiir nyịidipho, ạnaghan ịiḅereghi phọ ạmi.

²We phọ, pụr amem kụ ẹdi kịpher inyina osiphe ghan ạmi umugholoor? Pụr amem kụ ẹdi kịpher inyina ọphomoghian ghan oopho ạraraar rꞌọgbaaghi ghan ọkpe?

³Ilegheri mọ Ọmoogh-we phọ mạson ni we phọ ọdi ạloghoma loor. Ọmoogh-we phọ rạnaghan ghan ni tọro amem lọ mị ạmagh nyọdi.

⁴Imiigh okpereghaan, kẹ́pioghom mun sịpioghom; imitenom iloghi phọ anyina ezue sịphe ẹmina phọ anyina bịn eḅoorian.

⁵Ịpinyon ghan rịkia ịpe eseleman bọ kụ eḍuom ologhi Ọmoogh-we phọ.

⁶Ịbadi odi ni dị rọoḅereghi ghan mọ, “Ạnhian kụ kụrolomi iyoor ḍigeny ạdol, Ọmoogh-we? Poophe ḍịḅaal arisigh phọ ạna pịdi isoorom iyoor.”

⁷Nạ mụngo ịmi ọḅaal ologhi apu nyọpo bịdi ọmoogh bọ mem mọ nạ ạbughe bọ ịbiakpa phọ rꞌamiim ịghol phọ ạbidi.

⁸Mem lọ mị ạmina, mị ạnaani rꞌẹepho ịdi eḍighi bọ nạ Ọmoogh-we phọ bịn kụ ọdi mị aḍuom ologhi.