Read abua Ạsuor 46 Bible Online

Ạsuor 46 - abua bible

Ạsuor 46

¹Ẹnaan phọ kụ esi ịbooghian ḅịle rꞌịnyaam ayira. Ọdi rụlhoghonaan ghan iyira ḍịghaagh mem ịiḅaghami.

²Esi ịduon phọ yira kókiilaan ghạlamo aḅirini phọ kụ rapiigha ni, kụ aruugum mọ emeleghu resumughu sigher ạbazi phọ;

³ghạlamo ạriphiiny phọ iroraan kụ ẹmaphaan, kụ ạraaḅaraph phọ rephighaphigha yogh loor iikpoogh oologh phọ.

⁴Ọphiiny odi ni, dị ạruphia phọ ọdi kẹsighe ọḅaal ologhi etuomonaan ẹmha phọ Ẹnaan, otu iigbia Ọkaraghi Egbogh Ẹnaan phọ.

⁵Ẹnaan edianaan ni ẹmha phọ ẹpe, kụ kótue opiemi rꞌamem rꞌamem. Ọdi kạnuun ni atu ọlhoghonaan ạbidi ḍịghaagh.

⁶Areelhe rekpereghaan, ạramha repiigha yogh. Ẹnaan memoogha bịn ade phọ ẹgbo.

⁷Ọmoogh-we Oomo Ịikpo phọ odianaan ni rꞌayira, Ẹnaan phọ ạJekob kụ aḍibuo dị yoor oḍigh.

⁸Itu rẹmiin aani iiḍighi Ọmoogh-we phọ, iikia ạraraar phọ ọdi aḍighi yogh bọ sịen aḅirini phọ.

⁹Ọdi akunughi rạagham oomo ịsien aḅirini phọ; abunughi sịkumugh, ạḅile ạpueghi ịsoph phọ ạbidi, kụ ạsighe ịsuaram ikpo phọ ạbidi ạkpooniom nịan.

¹⁰“Isereghian elegheri mọ mị kụ Ẹnaan. Mị apu oomo areelhe phọ, apu kẹn aḅirini phọ.”

¹¹Ẹnaan Oomo Ịikpo phọ edianaan ni rꞌayira, Ẹnaan phọ ạJekob kụ esi ịbooghian ayira.