Read abua Ạsuor 47 Bible Online

Ạsuor 47 - abua bible

Ạsuor 47

¹Weye oomo areelhe phọ, ikpoolha rạghaagh anyina ẹmoogh iboh; ipoophe rọḍogh anyina ẹmoor sụor eboom Ẹnaan.

²Ọmoogh-we phọ, Ọkaraghi Egbogh Ẹnaan phọ, ọlo oghiilaan. Ọdi kụ ogbogh ọdaam ịsien aḅirini phọ.

³Ọdi maḍighi ịdi yira mọkpar opu oomo awe. Ọdi maḍighi ịdi yira kụ kọtooghi ghan ịtooghi ọngo oomo areelhe phọ.

⁴Ọdi kụ ạsaḅar bọ de phọ ạḍien ạngo nmụny phọ ạJekob, ḍịphe bụphe ọdi ạphomoghian bọ roobagaam bọ.

⁵Ẹnaan mẹsiiny ạnyu ẹpe ạgada ọdaam mọ ọdi, kụ ọyugh iboh rꞌạroḍogh aruuḍue reboom ghan nyọdi ẹpe ạnyu phọ.

⁶Ịmoor eboom ghan Ẹnaan; ịmoor eboom ghan ọdaam mọ ayira.

⁷Ẹnaan kụ ọdaam oomo aḅirini phọ; ịmoor sụor eboom ghan nyọdi.

⁸Ẹnaan kụ ịda oomo areelhe phọ; Ẹnaan ẹtolom ạgada iigbia phọ ọdi.

⁹Ạbuo ịtooghi oomo areelhe phọ mookpomoghan egina esi, ọḅaram rꞌawe phọ kꞌẸnaan phọ Ebraham. Ịikpo phọ Ẹnaan ẹbugh ni iboom epu oomo aḅirini phọ; ọdi kụ ogbogh dị ạda.