Read abua Ạsuor 52 Bible Online

Ạsuor 52 - abua bible

Ạsuor 52

¹Eeghe kụ nạ raabagaam ghan bọ ịkaraph phọ ạna, oye aḍigbogh ạdol. Ẹphomoghian phọ Ẹnaan edi ghan ni kꞌagee-pọ.

²Nạ ạmoogh igbiighi ọphue ạbunon awe; anem ạna ẹtol mụdi ẹleke ẹmhu lọ oghola. Nạ odi ghan ọgba ọkpe oomo amem.

³Nạ ạpomoghian ịkaraph kụ apu igey, ọkpe kụ apuemi ịpe eru bọ ịne.

⁴Nạ ạmoogh ḍịḅeeraan ọphuenom awe rꞌikpo ọnhu ạna, nạ ọgbaam ọkpe.

⁵Kụ ọlo Ẹnaan kephiemi ni nyịna kꞌagee-pọ; ọdi kạpham ni nyịna kụ aziton ạsighe sịphe otu phọ ạna; ọdi kạgbole ni nyịna sịphe aḅirini ạbuphe odi bọ eye.

⁶Awe aruukuan kọmiin ni ịphen phọ kụ okiilaan; kụ bịdi ọmilogh nyịna kụ ọḅem mọ,

⁷“Mịin, phọn oye dị ụ́kpasi oomo eekpereghian aloor esi Ẹnaan, kụ ạkpasi ghụn esi eboom ẹelha ọdi ạḅile ạkparamian loor ọdi sịpioghom.”

⁸Kụ ọlo mị ạkigh oreeny-ọliv dị rasi sịphe otu phọ Ẹnaan; mị aḍuom ologhi ẹphomoghian phọ ọdi rémuneen ghan bọ kꞌagee-pọ kꞌagee-pọ.

⁹Mị kạseph ni nyịna oomo amem, Ẹnaan, esi ịpe nạ maḍighi bọ; ghisigh awe phọ ạna mị kagbeelom mọ nạ ạnighe ni.