Read abua Ạsuor 53 Bible Online

Ạsuor 53 - abua bible

Ạsuor 53

¹Bụo elologhi rọḅenian ghan siloor mọ Ẹnaan ílho. Bịdi mọopuan siloor kụ roḍighi yogh ghan ugbini ugbini. Ọlo raḍighi ghan igey ólho.

²Ẹnaan ẹtol ẹpe kꞌạke kụ repogh ghan we sịen ade phọ, ọmiin mụghumo bụlo ọnaghan ḍụghum odi ni dị rọwa olegheri ọdi.

³Kụ ọlo oomo ạbidi mọḍuaghu; oomo ạbidi obeeph aani ni. Rꞌoniin ọnyo ạbidi lọ raḍighi ghan ịlo ẹnighe ólho, rꞌoniin ólho.

⁴“Bịdi phọ úlegheri?” Ẹnaan epuru. “Abuḍighinom ịkaraph phọ ạbuen phọ olegheri-ịyaar ụ́moogh ḍụghum? Bịdi odianaan omiighi ghan ạraraar awe phọ ạmi ḅịle bịdi ịmi rụ́uḅereghi ghan.”

⁵Kụ ọlo keḍighi ni ḍiigu esi ạbidi, ịdi kẹ̋rol ghan esi ạbidi kꞌekulha, loor esi dị Ẹnaan kẹewalami ịḅarara ạbumulogh-ḍien awe phọ ọdi. Ẹnaan meghel bịdi, kụ iḍighi kụ Ịzirel kọkpar ri opu bịdi bịn kpel kpel kpel.

⁶Mị ạkar ri rạlom mọ ọkpar opu ạḍua ẹpe Zạyon aru ạteeny Ịzirel. Pọ eeghe ọdo ọḅaal ologhi dị awe Ịzirel kọmoogh mem dị Ẹnaan kẹḅile bọ ẹngo bịdi ẹeḍiom.