Read abua Ạsuor 6 Bible Online

Ạsuor 6 - abua bible

Ạsuor 6

¹Ọmoogh-we, kụ́ḅaam ịmi rꞌọghagh ologhi. Kạ́sighe ghẹlhe ạphurom rụru ạmi.

²Mị madughogh. Ọmoogh-we, ụnma ịmi ighirigiir. Ịḅarara ạmi rephighaphigha. Uukonom ịmi.

³Uwaloor phọ ạmi kẹn rạmiinom ni. Pụr amem kụ ẹdi kẹpher nyịna ọlhiom ạmi?

⁴Ọmoogh-we, loor ọnma ighirigiir phọ ạna, tue ụtagharan ịmi esi aḍuugh.

⁵Ọlo mamugh nyịna rạ́atughian ghan mun. Ọmar iḍim, ạnhian kụ kạseph nyịna?

⁶Mị mạghola raminonom loor ịminimiin. Izin rẹḅore ghan ẹmina phọ ạmi ḍughul aḍughul. Ọḅetenom ẹmhu phọ ạmi rạḅor ghan rꞌizin.

⁷Ariḍien ạmi meḅaaghaph; mị rạ́miin ghan mun igey eten loor ọto phọ ạbumulogh-ḍien phọ ụlhogh bọ ịmi.

⁸Ịkporion ịmi rạghaagh, nyina abuḍighinom ịkaraph. Ọmoogh-we phọ rạnaghan ghan ni emoghi phọ ạmi.

⁹Ọdi ạnaghan kẹn ni ịiḅereghi phọ ạmi, ḅịle kụloghonaan ni ịmi ḍịghaagh.

¹⁰Umugholoor kasiph ni oomo ạbumulogh-ḍien phọ ạmi; kọwalalami bịdi ekperenom oḅulemi ọman.