Read abua Ạsuor 60 Bible Online

Ạsuor 60 - abua bible

Ạsuor 60

¹Nạ mughel iyoor, Ẹnaan, kụ ạkpar upu iyoor; nạ mụghagham iyoor ologhi — nyịidipho seseeny ḅula ụteeny iyoor.

²Nạ maḍighi ịdi ade phọ mephiigha kụ asighiigh ewunughian. Nyịidipho kookonom riisi phọ loor esi dị rẹnagh.

³Nạ maḍighi ịdi awe phọ ạna mọmiinom iboom; yoor rọbelebele mụdi yoor mọphughol miim.

⁴Nạ mạphur rụru bụphe ọngo bọ nyịna eghuan, pịdi bịdi okpetenaan muphe.

⁵Ụphelom iyoor rꞌịnyaam mọ ạna; ạnaghan ịiḅereghi ayoor, pịdi ọtagharan we phọ nạ ạphomoghian bọ.

⁶Kꞌịsiphe ạdol iigbia phọ ọdi, Ẹnaan mẹḅem “Esi ọkpar-opu mị kadi ni Sẹkem kụ adiemi Eḍiiny aSukot we phọ ạmi.

⁷ẠGiliad ọlo ạmi rꞌạManase kẹn; Ifraim eghoony ạmi kụ aJuda ịkpara ạraalha ạmi.

⁸Kụ ọlo mị katene Mọab gbạgba ootolaam ạraghaagh ạmi kụ mị atophom rokoro ạmi Idom, esi oḍeenaan mọ mị kụ ụmoogh nyọdi. Awe aFilistia ugbi mọ bụno kọlo ḍịolho ọkpar opuom ạmi ḍụghum?”

⁹Ạnhian, Ẹnaan, kụ kụsighe ịmi aḍighom ẹmha phọ okpeki bọ? Ạnhian kụ kuḍiemiom ịmi aḍighom Idom?

¹⁰Nạ mạkar ri ughel iyoor? Nạ we ẹgham mọ ayoor kátelhiom ámitenom?

¹¹Ụphel iyoor eenan mụlogh-ḍien phọ. Ọloghonaan ạḍighaagh oye, oopho ịyaar bịn.

¹²Ẹnaan kụ ẹrolan rꞌayira, yira kọkpar ri opu. Ọdi kabinighiom ni mụlogh-ḍien phọ ayira.