Read abua Ạsuor 64 Bible Online

Ạsuor 64 - abua bible

Ạsuor 64

¹Mị odi esi ịiḅaghami, Ẹnaan — nạghan ịiḅereghi ạmi. Mị rakiilaan ni bụmulogh-ḍien ạmi — pẹl ghuḍum ạmi.

²Ụphel ịmi loor ịkaraph aruupuruan abuḍighinom ịkaraph, ạsighe esi ạraghaagh aḍita ạbukaraph awe.

³Bịdi okola sinem ạbidi ịdipho isiko kụ ogbonom ịkaraph ikpo ọnhu ịdipho ịkpina.

⁴Bịdi úkiil umugholoor oogborion oleenye ọkpe; bịdi ọkalaghian oogulemi we dị mạar ụ́piom.

⁵Oniin ạkparami ologhi oniin rꞌịkaraph aruupuruan. Bịdi ogbiighi ịlo ọkpamaghi asiphil. Bịdi ọḅem mọ oye ólho dị kạmiin bụno.

⁶Bịdi ọpam ịkaraph aruupuruan kụ ọḅem mọ “Ịphen yira mogbiighi bọ ẹnighe ni ịikia.” Arigbiom rꞌịitughian oye ẹkpar ri ọnaghanan.

⁷Kụ ọlo Ẹnaan ẹsighe ịkpina ọdi ẹtaph bịdi kụ ekperenom bịn bịdi oḍighima mạar.

⁸Ọdi kapiemi ni bịdi loor ịkponhu phọ ịpe phọ; oomo ạbulo ọmiin bịdi kooḅoghomi rụmhu ạbidi.

⁹Kụ egbi oḍigh aruugu esi oomo awe; bịdi kọotughian ịlo ịpe Ẹnaan meḍighi bọ, kụ ọkaaph ịlo iiḍighi phọ ọdi.

¹⁰Oomo awe aruukuan kọmoogh iboh loor esi ịpe Ọmoogh-we phọ maḍighi bọ. Bịdi kọmiin esi ịbooghian loor ọdi; oomo ạbulo iloghi phọ eseleman koboom ni nyọdi.