Read abua Ạsuor 76 Bible Online

Ạsuor 76 - abua bible

Ạsuor 76

¹Aḍien Ẹnaan eeleghaan ni oomo aJuda; okueni ni ḍien phọ ọdi oomo Ịzirel.

²Ọdi ạmoogh marugh ọdi ẹpe Jeruselem; ọdi atugh sịphe Eegum mọ ạZayon.

³Ịsiphe kụ ẹdi ọdi awunughi bọ ịkpina ạbumulogh-ḍien phọ; ịsuaram rꞌarolhool ẹgham mọ rꞌoomo ạreenema phọ ạbidi.

⁴Pọ eeghe oghur ạna, Ẹnaan! Nạ akuan dị ọdaam, mem lọ nạ ạḍua ẹpe aruugum mọ ratigheel, ekpisi phọ nạ ạkpar bọ apu bụmulogh-ḍien phọ ạna.

⁵Mạanyi oomo ịpe aruphelegbe ẹgham mọ ạbidi ọnyaaghian bọ kụ nyịidipho bịdi rọnaani rạlha aḍuugh. Oomo ịnyaam rꞌẹmaar phọ ạbidi oopho ni bịn.

⁶Mem mọ nạ ạpaar bọ bịdi, Ẹnaan ạJekob, ạrusu phọ rꞌabukiilom mọ ạbidi umeleghu ni omuughu.

⁷Kụ ọlo nạ, Ọmoogh-we, oomo awe roghiilaan ghan ni nyịna. Ạnhian kụ kạmeera bọ egbodo ạna mem dị ịyaar repin ologhi ạna.

⁸Nạ ụrol kꞌạke kụ asoph ọoruen phọ ạna; aḅirini phọ aghiilaan kụ aḅoorian,

⁹mem mọ nạ aḅetenu bọ osoph ọoruen phọ, ọphelom oomo ạbuphe rọgbiphoghom bọ sịen ade phọ.

¹⁰Ophin ologhi awe ạḅile ghụn bịn rạbughe ghan ḍịseph phọ ạna; bụphe okpetenaan bọ rạagham mọ kole ghan ni ẹyaal kịrokiro phọ ạna.

¹¹Ịngo Ọmoogh-we Ẹnaan phọ anyina ịlo nyina eguanaan nyọdi; ituomaan nyọdi ruunmo, oomo anyina areelhe phọ etuman bọ. Ẹnaan eḍighi ịdi aweye kokiilaan ghan nyọdi.

¹²Ọdi raḍighi ghan ịdi ịkpana ạnmuny ạbudaam mọ kosooromi ghan siloor ạḅile rạngo ghan oghiilaan igbogh ạbudaam mọ.