Read abua Ạsuor 81 Bible Online

Ạsuor 81 - abua bible

Ạsuor 81

¹Ịlo ḍịolho iboh ẹghiom ạnyu ẹngo Ẹnaan ọpo rueenaan ghan bọ iyira; ịmoor eeseenyom Ẹnaan ạJekob.

²Imiigh ephegh phọ etiighi rạkama phọ; ipeghom egey ephegh ạagba phọ rꞌọne phọ.

³Ipulanaan ẹyaal phọ mem lọ ụnwanyu pụruku aghon rꞌamem lọ aaghiraan.

⁴Ọphon kụ ologh phọ ẹphen Ịzirel, ịto dị ẹḍua kꞌẸnaan ạJekob kụ eru.

⁵Ọdi ạloghonaan we phọ Ịzirel mem mọ ọdi azuom bọ de phọ Ijipt. Mị ạnaghan ẹḍogh dị elegh ụ́logh dị rẹḅem ghan mọ,

⁶“Mị ụsighe dool ẹemor sịphe rụpha phọ anyina; mị aḍighi ịdi nyina esereghian sidool abiriki phọ anyina.

⁷Mem dị nyina ẹrol esi ịiḅaghami, nyina ịmagh ịmi kụ mị ịphel inyina. Sịphe igbo oghim mọ, mị ịnaghanan ni inyina. Mị ịdegh inyina aphogh sịphe okol ạmuum mọ aMeriba.

⁸Ịnaghan, we ạmi, ọphur ạruru phọ ạmi: Weye Ịzirel, ẹnighe dị ọbo nyina mịnaghanan ịmi.

⁹Kéeseeny ẹnon ẹmugh. Kẹ́eḅereghi eeruen ẹmugh.

¹⁰Mị kụ Ọmoogh-we Ẹnaan phọ anyina ọpo ịsighe bọ inyina amitiom sịphe eelhe phọ Ijipt. Ipoghoghomi ịnhu anyina mị kịngo inyina eḍien.

¹¹“Kụ ọlo awe phọ ạmi ịmi ụ́naghanan; bụo Ịzirel ịmi ụ́naghanan.

¹²Kụ iḍighi kụ mị ạwile bịdi ọghi reten ọḅaar ẹmhu phọ ạbidi kụ oḍighi ịlo ẹḅeeraan bịdi.

¹³Pọ eeghe oboom ọto dị mị ameelom loor ẹmhu awe phọ ạmi. Ẹnighe dị ọbo nyina mịnaghanan ịmi.

¹⁴Ọbo mị mụnuun ni ạka bụmulogh-ḍien phọ ạbidi, ạkpar apu oomo phọ ạbidi.

¹⁵Ọbo mị mụliom bụphe ụlogh bọ ịmi ḍien kꞌagee-pọ, bịdi mutu okpuḍughian risigh ạmi.

¹⁶Kụ ọlo mị ạsighe ọkaraghi igey ịbiakpa kụ iikonomom inyina, ạḅile ạsighe ẹnuum aḍiowo dị ụ́pueri ịpheremiom inyina.”