Read abua Ạsuor 84 Bible Online

Ạsuor 84 - abua bible

Ạsuor 84

¹Otu phọ ạna ụḅeeraan ni ịmi iboom, Ẹnaan Oomo Ịikpo Ọmoogh-we.

²Rịphu ni ịmi ọrol ịsiphe. Mị ạmoogh ni ẹephua ọrol ịsiphe Otu Ọmoogh-we phọ. Rꞌoomo aloor ạmi mị ạmoor sụor iboh ạngo Ẹnaan phọ ẹpe edi ghan bọ bịn.

³Ghạlamo asimutia bịn medoghoḍi ruutu ạbidi, ạsimugeem mẹmoogh riisi ọrol; bịdi esereghi nmụny ạbidi etumeniom renmeny ịyaar aghuḍum mọ ạna. Ọmoogh-we Oomo Ịikpo, ọdaam ạmi rꞌẸnaan ạmi.

⁴Pọ eeghe ọḅaal ologhi kụ ẹdi bụphe odi bọ sịphe Otu Ịiḅereghi phọ ạna ọmoogh. Oomo amem bịdi rọmoor ghan sụor oboom ạna.

⁵Oboom ọḅaal ologhi odianaan bụphe ịnyaam ạbidi rẹḍua ghan bọ esi ạna, bụphe ọmoogh bọ ḍịḅeeraan ọghi erelhe kꞌẸnaan osi Eegum ạZayon.

⁶Ịdipho bịdi rọḅeeny bọ ẹgharaghar Eḍiiny aBaka, bịn ekitonu eḍighi esi asikol, ọlophia unu phọ amuzeḍi mụum.

⁷Bịdi rọki, rọmoogh ịnyaam; bịdi kọmiin Ẹnaan phọ ẹbugh bọ epu oomo ạranaan sịphe Zạyon.

⁸Nạghan ịiḅereghi ạmi, Ọmoogh-we Ẹnaan Oomo Ịikpo. Nạghan Ẹnaan ạJekob.

⁹Ngọ ḍịseph ạna, Ẹnaan, ọdaam mọ nạ mạsaḅar bọ.

¹⁰Ọrol ịsiphe Otu Ịiḅereghi phọ ạna eniin aḍio bịn kụ ịnighe epu ọrol ẹnon ekpisi oniin ọonir asiḍughul-otu. Ịnighenaan ịmi ọmeera ịsiphe ọnhu-aḍibuo otu Ẹnaan phọ ạmi rꞌorugh iloghi aruutu ạbukaraph awe.

¹¹Ọmoogh-we kụ ọsuaram ayoor, ọkpoghoron eegu ayoor dị ụsephom ghan iyoor rꞌọnma ighirigiir rꞌeegu. Ọdi rákel ghan ịyaar lọ ẹnighe esi ạbuphe roḍighi bọ igey.

¹²Ẹnaan Oomo Ịikpo, oboom ọḅaal ologhi odianaan bụphe oseere bọ ologhi esi ạna.