Read abua Ạsuor 97 Bible Online

Ạsuor 97 - abua bible

Ạsuor 97

¹Ọmoogh-we phọ kụ ọdaam. Nạ ade, mọogh iboh. Ịḅaal ologhi, nyina arukpu-ogbo ạriphiiny phọ.

²Ọotu rꞌufiri akoom nyọdi; ọdi ạdaam rꞌaruukuan rꞌiiḅi ịiruen.

³Ạnian kụ iḍia risigh ọdi, kụ rele ghan kekoom bụmulogh-ḍien phọ ọdi.

⁴Ọmepheghian phọ ọdi ạngo ḍịḅaal aḅirini phọ; ade phọ ẹmiin kụ ephiigha.

⁵Aroogbolom phọ ẹgbo mụdi uba risigh Ọmoogh-we phọ, ghisigh Ọdaam Oomo Ade phọ.

⁶Ạsike phọ egbeelom ruukuan phọ ọdi, kụ oomo areelhe phọ ẹmiin eegu phọ ọdi.

⁷Tọrobo oye lọ aaseeny ịkaaghineen ạrumugh kạmoogh umugholoor, oomo ạrumugh phọ ekpuḍian ghisigh Ọmoogh-we phọ

⁸Ologhi awe phọ ạZayon ạḅaal, ḅịle ạramha aJuda robo loor esi ịiruen phọ ạna, Ọmoogh-we.

⁹Ọmoogh-we Oomo Ịikpo, nạ kụ ọdaam oomo ade phọ; nạ ạkar aḅugh apu oomo ạrumugh.

¹⁰Ọmoogh-we phọ ạpomoghian bụphe oghel bọ ịkaraph; ọdi raakpereghi ghan ni sighuḍum awe ọdi, ọdi rạtagharan ghan ni bịdi rạghaagh awe ẹkaraph eḍighinom ịyaar.

¹¹Ạḍiḅaal resoorom ghan weye aruukuan, ḅịle iboh edianaan bugeny phọ.

¹²Oomo phọ anyina awe aruukuan phọ, ịmoogh iboh loor esi ịpe Ọmoogh-we phọ maḍighi bọ. Ịitughian ịpe Ẹnaan Iigbia phọ maḍighi bọ kụ ẹngo nyọdi ḍịseph.