Read abua Izikiel 15 Bible Online

Izikiel 15 - abua bible

Izikiel 15

¹Ọmoogh-we phọ ụḅaanaan ịmi.

²Ọdi ạḅem mọ, “Oye dị kamugh ni, ika kụ ịdi oreeny avain ạtomaam rꞌoreeny ẹekpua? Eeghe igey kụ ẹdi ọla oreeny-amiim ạtomaam rꞌireeny ẹekpua phọ?

³Nyina kẹsighe ni nyọdi eḍighinom ịyaar ḍụghum? Nyina kẹsighe ni nyọdi emitiom ghạlamo ekulha ẹko lọ kọkomoghi rạraar ạnyu ọdi ḍụghum?

⁴Ọdi ạnighe oguom ạnian bịn. Kụ mem dị aruukuna phọ mẹmoogh emuneen kụ ogboku phọ maḍighi iighu, nạ kaḍighinom ni ịyaar amitiom esi ọdi ḍụghum?

⁵Ọdi ọ́moogh mạar oḍighinom ghạlamo amem mọ ọpo kọ̋lhogh bọ nịan. Nyịidipho ạnian phọ melhe bọ nyọdi kụ eḍighi iighu nyọdi, ọdi ọ́kar ọ́moogh mun rꞌẹnum ịyaar oḍighinom.”

⁶Nyịidipho ịphen kụ ịpe Ọmoogh-we dị ạmoogh oomo ịikpo rạḅem bọ, “Ọkaraghi ịdipho oreeny-amiim ọsighe bọ sịphe ẹekpua phọ kụ ọlogh nịan, ịduon kụ ịdi mị kạsighe we phọ bụphe orugh bọ sịphe Jeruselem

⁷kụ ạliom bịdi. Bịdi mokpetenaan ḍiniin ạnian, kụ nyịidipho ạnian kele bịdi ẹman. Mem dị mị ạliom bịdi, nyina kelegheri ni mọ mị kụ Ọmoogh-we phọ.

⁸Bịdi rọ́moogh ghan omeeraam esi ạmi, kụ esi ịduon phọ mị kaḍighi eelhe phọ ẹdala.” Ọmoogh-we dị ạmoogh oomo ịikpo kụ mạḅem.