Read abua Jona 3 Bible Online

Jona 3 - abua bible

Jona 3

¹Ọmoogh-we phọ ạḅile ni ạḅaanaan Jona.

²Kụ ạḅem mọ, “Kịa Nineve ẹpe egbogh ẹmha phọ, kụ ạghaaph alheenye dom mọ mị arom bọ nyịna.”

³Kụ aJona ạnaghanan Ọmoogh-we phọ, kụ ạghi ẹpe Nineve, ẹmha dị ẹbugh ḍịbugh dị kẹsighe ịraar aḍughul-otu kụ orelhe ọḅeeny.

⁴AJona amiigh orelhe ẹmha phọ, kụ ọdi arelhe ẹmhu aḍio kụ ạghaaph ghan mọ, “Esi inyadi asiḍughul-otu, kopiemi ni Nineve!”

⁵Awe phọ aNineve umeeraam ni dom mọ Ẹnaan erom bọ. Kụ bịdi omeeraam mọ tọrobo oye kạkaagh ẹḍogh, kụ oomo awe phọ, emiigh ọbam kụ ẹteeny ogbogh, ọkpologhian ịparapara iinmenan oḍeenaan mọ bụno mokiton esi ịkaraph phọ ạbuno.

⁶Mem dị ọdaam mọ aNineve ạnaghan bọ ọghaaph phọ, ọdi ạḍua ni ạgada ọdaam mọ ọdi asoor, ạkporonaan ạsuoma ọdi, kụ ạrol ude loor ọoru.

⁷Ọdi ạlogh ologh ạḅeni weye aNineve mọ, “Ọdaam mọ rꞌạbuphe oḅegh bọ nyọdi mọlhogh ologh mọ oomo awe, iyool-ịga rꞌịnon ịnam, eḍien kúle, mụum kụ́pughol.

⁸Oomo awe rꞌịnam iinmenan ịparapara iinmenan. Tọrobo oye ạkar ạaḅereghi Ẹnaan kụ ạwileghi ẹkaraph ẹzo rꞌeḍighinom ịyaar ọdi.

⁹Ịduon sịen Ẹnaan kenme ni ologhi ọdi; ịduon sịen, ọdi kạbile ni ịghagh iloghi phọ ọdi kụ ameera yira kúmugh!”

¹⁰Ẹnaan ịmiin ni ịpe bịdi oḍighi bọ; ọdi ạmiin ni mọ bịdi monme ịkaraph ạraaghara phọ ạbidi. Esi ịduon phọ ọdi anme ologhi ọdi, kụ bịdi ọ́lhiom mun ịdipho ọdi ạḅem bọ oḍighi phọ.