Read abua Igbiighi 26 Bible Online

Igbiighi 26 - abua bible

Igbiighi 26

¹Kụ ẹepoph rẹḍua kụ Ọmoogh-we phọ ạḅeni Mozis rꞌẸliazar ọony phọ Eeron oyil ạrikia phọ mọ,

²“Igbi oomo aḍita awe phọ Ịzirel, bụo ọto rꞌọto kꞌạburude phọ ạbidi, elegheri ọnhu ịlo bịdi ọman, emiigh bụlo mọman ịyaldi ạsia kụ ẹghiom risigh, bụlo mọmanam ọghi ẹgham sịphe Ịzirel.”

³Kụ aMozis rꞌẸliazar ookpomoghi we phọ sịphe ạḍiyaghaghaany ade phọ ạMoab ẹpe ẹḅeenyom ạJodan etuman bọ Jeriko ọghaaph ọḅeni bịdi mọ,

⁴“Igbi we phọ emiigh bụlo mọman ịyaldi ạsia kụ ẹghiom risigh, ịdipho Ọmoogh-we phọ ạghaaph bọ ạḅeni Mozis.” Bụen kụ awe phọ Ịzirel ạbuphe ọḍua bọ Ijipt omite ịdi ọman.

⁵Eghun phọ aRuben (aRuben ọkpana ọony phọ ạJekob): aropolo phọ; Hanok, Palu,

⁶Hẹzron rꞌaKami.

⁷Awe dị ogbi bọ ọman bọ 43,700 awe.

⁸Bụo ẹemara aPalu, Eliab

⁹rꞌạnmuny phọ ọdi, Nẹmuel, Datan rꞌAbiram. (Bụen phọ aDatan rꞌAbiram bụphe aḍita awe phọ ọsaḅar bọ ọson kụ oḍighan bọ Kora. Bịdi kụ eenom bọ elebiri phọ Mozis rꞌEeron. Bụen phọ otul aKora phọ ozuom bọ elebiri Ọmoogh-we phọ,

¹⁰kụ ade phọ ephoghoghomi bọ ọnhu kụ ẹminogh bọ bịdi rꞌaKora imoom, mem mọ otul phọ ạbidi omugh bọ rꞌamem mọ ạnian ele bọ 250 awe. Eḍighi bọ ịyaar dị awe kọsighe ghan ọotughenam.

¹¹Kụ ọlo, ạnmuny aKora úmuughu aani.)

¹²Eghun phọ ạSimion: aropolo phọ; Nẹmuel, Jamin, Jakin,

¹³Zera rꞌaSaul.

¹⁴Awe dị ogbi bọ ọman bọ 22,200 awe.

¹⁵Eghun phọ ạGad: aropolo phọ; Zefon, Hagi, Suni,

¹⁶Ozni, Eri,

¹⁷Arod rꞌAreli.

¹⁸Awe dị ogbi bọ ọman bọ 40,500 awe.

¹⁹Eghun phọ aJuda: aropolo phọ; Sela, Pẹrez, Zera, Hẹzron rꞌaHamul. (Ịyal ạnmuny aJuda, Er rꞌOnan, umugh ẹpe de aKenan.)

²⁰

²¹

²²Awe dị ogbi bọ ọman bọ 76,500 awe.

²³Eghun phọ Ịsaka: aropolo phọ; Tola, Pua,

²⁴Jashub rꞌaSimron.

²⁵Awe dị ogbi bọ ọman bọ 64,300 awe.

²⁶Eghun phọ ạZebiulon: aropolo phọ; Sered, Elon rꞌaJaleel.

²⁷Awe dị ogbi bọ ọman bọ 60,500 awe.

²⁸Ịyal phọ arughughun phọ ạJosef, ọde phọ ạManase rꞌIfraim.

²⁹Eghun phọ ạManase: aropolo phọ ịpe ọḍua bọ kꞌọkuruḅaka phọ ạGiliad ọony phọ aMakir ọony phọ ạManase kụ omite;

³⁰Iezer, Helek,

³¹Ạsriel, Sẹkem,

³²Semida rꞌaHefer.

³³AZelofahad ọony phọ aHefer ọ́mar lephiri ạnmuny, ạmar nmạnyaan bịn. Ịphen kụ asiḍien ạnmanyaan phọ: Mala, Noa, Hogla, Milka rꞌaTirza.

³⁴Awe dị ogbi bọ ọman bọ 52,700 awe.

³⁵Eghun phọ Ifraim: aropolo phọ; Sutela, Beker rꞌaTahan.

³⁶Opolo phọ Eran ạḍua bọ kꞌọkuruḅaka phọ aSutela.

³⁷Awe dị ogbi bọ ọman bọ 32,500 awe. Bụen phọ aropolo phọ ọḍua bọ kꞌọkuruḅaka phọ ạJosef omite.

³⁸Eghun phọ ạBenjamin: aropolo phọ: Bela, Asbel, Ahiram,

³⁹Sefufam rꞌaHufam.

⁴⁰Aropolo phọ Ard rꞌaNemon ọḍua bọ kꞌọkuruḅaka phọ aBela kụ omite.

⁴¹Awe dị ogbi bọ ọman bọ 45,600 awe.

⁴²Eghun phọ ạDan: ọto phọ aSuham.

⁴³Awe dị ogbi bọ ọman bọ 64,400 awe.

⁴⁴Eghun phọ Ạser: aropolo phọ; Imna, Isvi rꞌaBeria.

⁴⁵Aropolo phọ aHeber rꞌạMalkiel ọḍua bọ kꞌọkuruḅaka phọ aBeria kụ omite.

⁴⁶Ḍien ọnyani phọ Ạser ughol mọ aSera.

⁴⁷Awe dị ogbi bọ ọman bọ 53,400 awe.

⁴⁸Eghun phọ ạNaftalai: aropolo phọ; Jazeel, Guni,

⁴⁹Jẹzer rꞌaSilem.

⁵⁰Awe dị ogbi bọ ọman bọ 45,400 awe.

⁵¹Ogbi bọ we phọ Ịzirel ọman bọ 601,730 awe.

⁵²Ọmoogh-we phọ ạghaagh ạḅeni Mozis mọ,

⁵³“Bụen phọ kụ ạbudi nạ kadiemi bọ de ẹmoogh phọ ạbidi. Dạph ọnhu ịpe asiḍien phọ ạbidi ẹman bọ kụ adiemi.

⁵⁴Bụlo oḍiza ạtuugh ịdipho kụ ạngo, bụlo oghom ạtuugh ịdipho kụ ạngo. Tọrobo oye ạmoogh ni, esi oomo ạbuphe ogbi bọ.

⁵⁵Sạ ẹlhel kụ ạsighe adiom de phọ. Dạph siḍien arughunughun kꞌạburude phọ ạbidi, kụ bịdi ọmoogh.

⁵⁶Dạph ịpe ẹlhel phọ keḍienaan bọ nyịna kụ adiemi bịdi ẹmoogh phọ, bụphe oḍiza bọ rꞌạbuphe oghom bọ.”

⁵⁷Eghun phọ aLivai: aropolo phọ; Gerson, Kohat rꞌaMerari.

⁵⁸Bụphe ọḍua bọ kꞌọkuruḅaka phọ ạbidi kụ omite, ọto rꞌọto: Libni, Hẹbron, Mahli, Mushi rꞌaKora. AKohat kụ ọde Ạmram.

⁵⁹Ḍien ạnir phọ Ạmram ughol mọ ạJokebed ọnyani aLivai, ụmaranaan Livai ẹpe Ijipt. ẠJokebed ạmaranaan Ạmram Eeron, Mozis rꞌạMiriam umor ạbidi ạnir-ephoph.

⁶⁰Eeron ạmar ri Nạdab, Abihu, Ẹliazar rꞌItamar.

⁶¹ẠNadab rꞌAbihu omugh mem dị bịdi ọphighironaan ẹkia dị ítu ẹlo iigbia egbodo Ọmoogh-we phọ.

⁶²Ogbi bọ bịdi ọman bọ 23,000 awe, omiigh tọrobo olephiri ọony lọ mạman oniin ụnwanyu kụ ọghiom risigh. Ụ́ḅaram bịdi úgbiom aani rꞌawe phọ Ịzirel, ịdi eḍighi bọ ụ́ngaani bịdi bin ẹmoogh sịphe awe phọ Ịzirel.

⁶³Bụen kụ ọnhu aropolo phọ Ịzirel aMozis rꞌẸliazar oyil ạrikia phọ ogbi bọ ẹpe ạḍiyaghaghaany ade phọ ạMoab ẹpe ẹḅeenyom ạJodan etuman bọ Jeriko.

⁶⁴Kụ esi ạbuen phọ ụ́loghom we phọ aMozis rꞌEeron oyil ạrikia phọ ogbi bọ mem mọ ạmuphe bịdi ogbi bọ we Ịzirel ẹpe Ẹdala aSainai.

⁶⁵Imite ni oomo ịpe Ọmoogh-we phọ ạḅeni bọ we phọ ạbuphe phọ mọ bịdi komuughu ni sịen ẹdala phọ. Rꞌoniin ọnyo ạbidi kásugha, omuton Kẹleb ọony phọ aJefune rꞌaJosua ọony phọ ạNon.