Read abua Igbiighi 7 Bible Online

Igbiighi 7 - abua bible

Igbiighi 7

¹Ḍio phọ ạḍiphe aMozis ạlogh bọ Ogbogo Ạdol Ọmoogh-we phọ ạmadan, kụ ọdi adeneghiom mụnum-ịko Ogbogo phọ rꞌenmeny phọ rꞌoomo ạraraar dị ẹrol sịphe, kụ ạḅogh ạngo Ọmoogh-we phọ.

²Kụ abuḍiemiom mọ Ịzirel, bụphe oḍighi bọ bụo ạrumhu sịphe ạriikpigh phọ ạbidi mem mọ ogbi bọ we phọ,

³ọpham ruunmo phọ ạbidi, orumom egbodo Ọmoogh-we phọ: Odiiny arughuugh-ude, rꞌiḍioph rꞌịyal ạsinam, ịyal ạbuo ạrumhu oniin oghuugh-ude, oniin uw-ẹmhu ḍiniin ạnam. Ịphen kụ ịinua phọ bịdi ọpham bọ orumom ọphighironom ẹkia phọ sịphe egbodo Ọmoogh-we phọ.

⁴Ọmoogh-we phọ ạghaaph ạḅeni Mozis mọ,

⁵“Bọor bịdi rạraar phọ ịphen phọ, ọsighe oḍighinom oḍighi ịsiphe Ogbogo phọ, ạsighe ạngo bụo kꞌaLivai, uwo oḍighi rꞌoḍighi.”

⁶AMozis ạsighe rughuugh-ude phọ rꞌạsinam mọ ạngo bụo kꞌaLivai.

⁷Ạsighe ịyal arughuugh-ude rꞌinya ạsinam ạngo ọto phọ aGerson, ọdaph iiḍighi phọ ạbidi.

⁸Ạsighe inya arughuugh-ude rꞌọphaanya ạsinam ạngo ọto phọ aMerari, ọdaph iiḍighi phọ ạbidi; ọdaph ịpe Itamar ọony phọ Eeron oyil ạrikia phọ ạḅeni bọ bịdi.

⁹Opolo phọ aKohat ọdi ịyaar ọ́ngo, ịdi eḍighi bọ oḍighi ọlo ạbidi ophogh ghan ạraraar iigbia phọ ịpe rotool ghan bọ ọpha.

¹⁰Kụ bụo ạrumhu phọ ọḅile kẹn ọpham rạraar oḍighinom ịyaar aghuḍum ịlo ọosa enmeny ạrikia phọ. Mem dị bịdi mọnyaaghian oḍighi ịyaar aghuḍum ẹlo ạbidi sịphe enmeny ạrikia phọ,

¹¹Ọmoogh-we phọ ạḅeni Mozis mọ, “Bụo ạrumhu phọ oḍighi ghan ịyaar aghuḍum oye ye ḍio ḍio sịphe enmeny ạrikia phọ, ịlo ọosa enmeny ạrikia phọ.”

¹²Bịdi uḍighi yogh ni rạraar aghuḍum oye ye ḍio ḍio ịduon: [Ḍio] — [Eghun] — [Uw-ẹmhu] 1 — Juda — Nason ọony phọ Ạminadab 2 — Ịsaka — Nẹtanel ọony phọ aZuar 3 — Zẹbiulon — Eliab ọony phọ aHelon 4 — Ruben — Elizur ọony aSedeur 5 — Sịmion — Sẹlumiel ọony phọ aZurisadai 6 — Gạd — Eliasaf ọony phọ ạDeyel 7 — Ifraim — Elisama ọony phọ Amihud 8 — Mạnase — Gạmaliel ọony phọ aPedazur 9 — Bẹnjamin — Abidan ọony phọ aGidioni 10 — Dạn — Ahiezer ọony phọ Amisadai 11 — Ạser — Pạgiel ọony phọ Ọkran 12 — Nạftalai — Ahira ọony phọ Enan Ạraraar oḍighinom ịyaar aghuḍum dị oye ye arumom ghan ẹghighighan: oniin ọyekele ạgbagba dị oḍighinom silva, ẹemor phọ ẹman 1.5 igbogh ịtoom ẹemor, oniin okuḍuru ạgbagba dị oḍighinom silva, ẹemor phọ ẹman 800 ịtoom ẹemor, ọdaph ọkaraghi aḍiigbu ipoḍi asilva ịsiphe Ạdol Iigbia phọ; ịyal phọ ịdi igeny ịgbieneen ịbiakpa kụ emuza ọsighe mụnum kụ okironom ịlo oḍighinom ịyaar aghuḍum ịbiakpa; eniin e(...)

⁸⁴Ạraraar dị ḍioph rꞌịyal ạbuo ạrumhu phọ orumom bọ oḍighinom ịyaar aghuḍum ịlo ọosa enmeny ạrikia phọ dị mogbul bọ elho phọ, ịphen: ḍioph rꞌịyal ịyekele ạsigbagba dị oḍighinom silva rꞌiḍioph rꞌịyal ikuḍuru ạsigbagba, ẹemor phọ ịdi ẹman 27.6 igbogh ịtoom ẹemor; ḍioph rꞌịyal ikuḍuru ạrukpa dị oḍighinom gol, ẹemor phọ ịdi ẹman 1.32 igbogh ịtoom ẹemor, ịnsens kụ amuza bọ ologhi; ḍioph rꞌịyal ilephiri ạsinam, ḍioph rꞌịyal idughuna, ḍioph rꞌịyal ịbam idughuna dị ẹman ḍiniin ạlha ọḅaram rạraar ịpe oḍighinom bọ ịyaar aghuḍum oguom ạnian phọ; ḍioph rꞌịyal arekpe ịpe oḍighinom bọ ịyaar aghuḍum ịkaraph phọ; ịyaldi rꞌinya ilephiri ạsinam, odiinydi idughuna, odiinydi arekpe, odiinydi ịbam idughuna dị ẹman ḍiniin ạlha, ịlo ịyaar aghuḍum ẹboroph.

⁸⁹Mem dị aMozis ạghi aḍigh sịphe Ogbogo phọ ọghaaphan rꞌỌmoogh-we phọ, ọdi ạnaghan ẹḍogh dị ẹḅeni ghan nyọdi, dị ẹḍua sịphe ịbaay ịyal ạruukpaany aghuḍuul phọ edi bọ sịphe ạnyu ekpereghi Igbe Ịyo phọ.