Read abua Maika 3 Bible Online

Maika 3 - abua bible

Maika 3

¹Ịnaghanan, nyina ạbuphe ọdaaghi bọ Ịzirel! Nyina ẹkpe ni ọmoogh ịyaar oḍighinom iiḅi ịiruen,

²kụ nyina ẹḅile kụ ekel ịyaar lọ ẹnighe kụ ẹpomoghian ọlo ị́nighe. Nyina ẹkpan ruzu awe ạmi eye kụ ẹkanyan iphulupul ạbidi ẹsighe loor ịḅarara.

³Nyina ẹba we ạmi. Nyina ẹkpan ruzu ạbidi, kụ ebunughi ịḅarara ạbidi kụ eegbo bịdi mụdi iphulupul ịnam dị kọsa ologhi aguugh.

⁴Amem retu ni dị nyina kemoghi emitiom epoghom Ọmoogh-we phọ, kụ ọdi inyina kị́naghanan. Ọdi kạ́naghanan ịiḅereghi anyina loor esi dị nyina mẹpioman.

⁵Ariil dị oguanaan ọngo ẹepho weye lọ ọkpe bịdi ikpoki mookeleghi aweye ạmi kụ ọngo oḅio-kakaph mọ ẹgham retu bụdi bịdi ịyaar ụ́kpe. Riil phọ ạbuen Ọmoogh-we phọ ạḅeni mọ,

⁶“Riil, aḍio anyina remunughan, erumuḍio phọ remeelom ẹmhu anyina. Loor esi dị nyina íḍiemiom weye ạmi igey, nyina kẹ́miin mun uḍien, ḅịle nyina kétue mun ẹkaaph ịyaar lọ kemite.”

⁷Bụphe kọmiin bọ ịlo kemite kọmoogh ni roofola mem dị ịpe bịdi ọghaaph bọ kụ ímite. Bịdi kọmoogh umugholoor loor esi dị Ọmoogh-we phọ bịdi ọ́naghanan.

⁸Kụ esi ạmi, Ọmoogh-we phọ amuzeḍiom uwaloor ọdi rꞌịikpo ọdi, kụ ụngo ịmi ịitughian iiḅi ịiruen ḅịle rꞌoḅio ọḅeni awe phọ Ịzirel ịkaraph ạbidi.

⁹Iler rụru ẹnaghan, nyina ạbuphe ọdaaghi bọ Ịzirel, nyina ạbuphe oghel bọ egey eḍighinom ịyaar kụ ekiton igey etene ịkaraph.

¹⁰Nyina epighi rẹlogh ẹmha Ẹnaan, Jeruselem, ạnyu ọzeeghi awe rꞌoogbo ịkaraph ịiruen.

¹¹Bụphe ọda bọ ẹmha phọ role ghan oti ọman; ariil ạrikia phọ ọgba ologh phọ omitiom, pọ kọkpe ikpoki bịdi; ariil phọ kụ ọghaaph ịlo bịdi ọmiin, pọ kọboor ikpoki — kụ oomo phọ ạbidi ọḅem mọ Ọmoogh-we phọ odianaan rꞌạbidi. “Ịyaar lọ ị́nighe iyoor kị́teeny,” bịdi ọḅem, “Ọmoogh-we phọ odianaan rꞌayoor.”

¹²Esi ịduon phọ, loor ẹmhu phọ anyina, Zạyon koḅeph ịdipho ozo, Jeruselem keten egu asighiigh kụ eegbolom Otu Ịiḅereghi phọ keten ẹekpua.