Read abua Malakai 4 Bible Online

Malakai 4 - abua bible

Malakai 4

¹Ọmoogh-we Oomo Ịikpo phọ rạḅem ghan mọ, “Aḍio phọ retu ni mem dị oomo ạbukaraph awe lọ ophoophe loor koomor ịdipho ịgharaghar ạroogho dị ọsam. Ḍio phọ ạḍiphe phọ ạnian kele bịdi bịn ịyaar késugha.

²Kụ ọlo nyina phọ rịnaghanan ghan bọ ịmi, ịikpo ạpeleeny phọ ạmi kimitenaan inyina ịdipho erumuḍio phọ kụ ẹsighe rookonom iruom inyina ịdipho ogogo ạḍiroor. Nyina kẹmoogh ni ẹereegh rꞌibo kụ epeleghu ghan ịdipho ạnmuny ạnam lọ oghughuron oghoony ạbidi kụ emiteghu.

³Ḍio phọ ạḍiphe mị kạnya bọ, nyina kẹkpar ri epu bụkaraph awe phọ, ḅịle kẹn bịdi kọkigh ophugh ẹpe ạrada phọ anyina.

⁴“Ịitughian ghan ịtughemi phọ aMozis otelhedom mọ ạmi, iilogh phọ rꞌịtooghi phọ ịpe mị ạngo bọ nyọdi sịphe Eegum phọ aSainai mọ oomo awe phọ Ịzirel ọdaph.

⁵“Kụ ọlo tụtu ạḍiikia aḍigbogh aḍio Ọmoogh-we phọ retu, mị kiruomonaan ni inyina Ilaija oyil phọ Ẹnaan.

⁶Ọdi kạḅile ni ạḅophoghi bụrude phọ rꞌạnmuny phọ; mọ ịduon kụ ílho, pọ mị ạmoogh ni oru oogulemi eelhe phọ anyina.”