Read abua 2 Bụo ạKorint 13 Bible Online

2 Bụo ạKorint 13 - abua bible

2 Bụo ạKorint 13

¹Ọloghom rꞌegi phọ sịen ịraar ọdo amem mị ratu bọ ọmiin anyina. Ịdipho ạḍinya iigbia phọ ẹḅem bọ mọ, “Tụtu ologh kasiph oye, pọ ọnhu ạsiagba ịyal mꞌịraar awe kạḅoph ni.”

²Owol omuneniom ịyal phọ mị ụphur ri rụru ạbuphe oḍighi yogh bọ ịkaraph phọ mem dị meten, kụ mị ạḅile ni rạpur rụru ạbidi rꞌạbueri phọ kạkpaariom mọ mị aru asi mị kạ́bilenaan rꞌoniin ọnyo ạbidi lọ aḍighi ịkaraph.

³Ịduon kụ nyina elegheriom mọ mị ạkaraghi ni rạkaaphaan ghan Kraist. AKraist inyina ríphoghom ḍiidugha ạḍighaagh, raseere ghan ḍịghaagh iphelegbe phọ ọdi ogbo phọ anyina.

⁴Ọdi adugh ni kụ ọkan bọ loor oreeny phọ oghiigh, kụ nyịidipho ọdi odimom ịikpo Ẹnaan phọ eḅeton bọ nyọdi sịphe aḍuugh phọ. Yoor ọḅophoghan ni nyọdi phọ sịen eye phọ odugh aani, kụ asiya phọ yira osi bọ kụ keḍeenaan mọ ịikpo phọ Ẹnaan mịḅophoghiom iyoor Kraist ẹngoom ghuḍum.

⁵Imitiom loor phọ anyina eḅiligha ephogh mọ nyina edimom ni omeeraam mọ. Nyina ke̋lhoghoma mọ ạJizos Kraist odi ni loor anyina ḍụghum? — emuton lọ nyina memeel atau.

⁶Mị aḍuom ni ologhi mọ nyina elegheri ni mọ yoor úmeel atau.

⁷Yoor rọlom ghan ni Ẹnaan mọ kẹ́pioman ghan. Yoor ụ́tuan oḍeenaan mọ yoor kụ mọḅeeny; yoor rọwa ghan ghụn mọ iḍighi ghan ịpe ẹnighe bọ, ghạlamo ịghigh ni esi anyina mụdi yoor omeel atau.

⁸Yoor ọpamanam ni igey phọ Ẹnaan; yoor ụ́moogh ịnyaam ọmerenyan.

⁹Yoor odugh kụ nyina ẹkpar, ẹḅaal li ologhi ayoor. Ịphen kụ ịdi yoor ọḅile kẹn rọoḅereghi ghan mọ omeeraam mọ anyina aphoph ni ạmanam.

¹⁰Ịduon kụ iḍighi kụ mị ạge bọ ḍịnya phọ ạḍien iruom inyina, ọbo mị aru asi mị kạsighe ghan bọ ịikpo phọ Ọmoogh-we phọ ụngo bọ ịmi ọoneghiom anyina ophophe kị́lo oogulemiom mọ, imooghaam yogh inyina.

¹¹Esi okureriom, bụo asiya, ịmaar ẹrol. Ịkparagha ghan eselemian loor ẹḅaal ẹmadan. Ịkparami iloghi. Ịḅoph ghan iniin ịitughian ẹrolom ẹepho. Kụ Ẹnaan ẹphomoghian rꞌẹepho kịrolonaan ni inyina.

¹²Oniin aghurughi ghan nyoniin!

¹³Oomo awe phọ Ẹnaan mipuru inyina.

¹⁴Ooḅi ọghor phọ kꞌạJizos Kraist Ọmoogh-we phọ, rꞌẹphomoghian phọ Ẹnaan, rꞌạmuḅoph Uwaloor Iigbia phọ ịrolonaan inyina!