Read abua 1 Bụo ạTesalonika 1 Bible Online

1 Bụo ạTesalonika 1 - abua bible

1 Bụo ạTesalonika 1

¹ẠPol rꞌạSailas rꞌaTimoti kụ ụge ḍịnya phọ ạḍien riruomaan inyina, ạbuo ạsiosi phọ ạTesalonika, bụphe oḍighi bọ bụo Ẹnaan Ọde phọ, rꞌạJizos Kraist Ọmoogh-we phọ. Ạḍiseph rꞌẹepho ịrolonaan inyina!

²Yoor rọseph ghan ni Ẹnaan esi ạrumhu oomo phọ anyina, ḅịle yoor úsoph mem oghol anyina esi ịiḅereghi.

³Ḅịle yoor inyina íwula ghisigh Ẹnaan Ọde phọ ayira ịpe nyina ẹsighe bọ omeeraam kụ reḍighinom, rꞌịpe nyina ẹtuan bọ ẹphomoghian rekumuan, rꞌịpe nyina ẹtuan bọ oḍuom ologhi esi ạJizos Kraist Ọmoogh-we phọ ayira kụ rẹkparam.

⁴Iiḅi asiya, yoor olegheri ni mọ Ẹnaan ịphomoghian ni inyina kụ mịsaḅar inyina ẹsighe.

⁵Ilegheri mọ yoor ụ́sighe ọnhu bịn kụ iruomaan bọ inyina ooḅi ọghaaph phọ, ụḅaram ni ịikpo rꞌUwaloor Iigbia phọ, ọḅile omeeraam mọ ịpe yoor rọkaaph bọ ọkaraghi ịne ni. Nyina elegheri ni dọl phọ yoor ọtuan bọ rụmhu phọ anyina kụ ịrolan bọ inyina.

⁶Nyina ịtuughaany ni iyoor rꞌỌmoogh-we phọ. Ghạlamo ịdipho nyina ẹmiinom bọ ni iboom, nyina ịsighe ni dom mọ rꞌọḅaal ologhi phọ ọpo ạḍua bọ esi Uwaloor Iigbia phọ kụ aru.

⁷Kụ nyina eḍighi bọ weye ọmaaniom ẹngo oomo ạbuphe omeeraam bọ ẹpe Masidonia rꞌẠkaya,

⁸esi dị ọghaaph Ọmoogh-we phọ úleeny Masidonia rꞌẠkaya bịn, omeeraam mọ anyina maaleghaan ni oomo arikpisi. Yoor ụ́moogh mun ịnon ịlo ọghaaph,

⁹ịdi eḍighi bọ bịdi rꞌaloor kụ rọgba ịlo amem mọ yoor ịrolan bọ inyina, ịdi nyina mẹwile ruru, kụ ekiton esoman reḍighi oḍighi kẹngo ọkaraghi Ẹnaan phọ edi ghan bọ kꞌagee-pọ,

¹⁰rꞌịdi nyina rekori Mọony phọ ọdi kạḍua bọ kꞌạke atu. ẠJizos phọ dị aḅeton bọ esi aḍuugh phọ kụ kụphel bọ iyira ạsighe esi ạghelhe phọ Ẹnaan kẹsighe bọ etu.