Read abua Josua 12 Bible Online

Josua 12 - abua bible

Josua 12

¹Bụen kụ ạbudaam mọ awe phọ Ịzirel ọkaaghi bọ kụ ọsighenom de phọ ạbidi ẹpe ẹḅeenyom mọ ạJodan etuman bọ ẹpe erumuḍio phọ remite ghan bọ, emiigh ẹpe Eḍiiny Anon ẹsighe ẹghi esiemi ẹpe Eegum ạHermon, ọḅaram rꞌoomo phọ ẹpe Eḍiiny ạJodan ẹpe erumuḍio phọ remite ghan bọ.

²Bịdi ụka ni Sihon ọdaam mọ Ạmorait arugh bọ ẹpe Hesbon. Ọdi kụ ạda emiigh Aroer edi bọ ẹpe eekuna okol phọ Eḍiiny Anon, emiigh sịphe ogbo ọphiiny phọ rꞌạpakiri ạGiliad, ẹghi esiemi ẹpe Ọphiiny ạJabok kụ ọku ade Amonait.

³Ọdi kụ ạda Eḍiiny ạJodan emiigh ẹpe Ọphiiny aGalili ẹpe erumuḍio phọ remite ghan bọ, eten phọ ẹpe rẹki bọ Bẹt Jesimot, ẹghi esiemi Ọphiiny-Ạla phọ, ẹḍua ẹpe esoorom mọ ọghi osi Eegum aPisga.

⁴Bịdi ụka kẹn ni Ọdaam Ọg ạBasan, oniin ọnyo ạbuo Refaim phọ osugha bọ dị arugh bọ ẹpe Astarot rꞌEdrei, kụ ọsighenom de phọ ọdi.

⁵Ọdi kụ ọdaam dị ạda ẹpe Eegum ạHermon rꞌaSaleka rꞌoomo ẹpe Bạsan ẹsighe esiemi ẹpe ọku ade aGesurait rꞌaMaakatait rꞌạpakiri ạGiliad, ọku aSihon ọdaam mọ aHesbon.

⁶Bụen kụ ạbudi aMozis otelhedom Ọmoogh-we phọ rꞌawe phọ Ịzirel ọkaaghi bọ. AMozis otelhedom Ọmoogh-we phọ ạsighe de phọ ạbidi ạngo eghun aRuben rꞌeghun ạGad rꞌạpakiri eghun ạManase mọ eḍighi bin ẹmoogh ẹlo ạbidi.

⁷Bụen kụ ạbudaam mọ ạbuphe rꞌạramha phọ ịpe aJosua rꞌawe phọ Ịzirel ọkaaghi bọ, ạga emeelom erumuḍio phọ ạJodan, ọḍua ẹpe Baal Gạd ẹpe Eḍiiny ạLebanon esiemi ẹpe Eegum ạHalak esoman bọ Idom. AJosua ạsighe de phọ ạbidi ạngo rughunughun phọ Ịzirel mọ ọmoogh, ọdaph ịlo ẹkpigh rꞌẹkpigh:

⁸roogbolom mọ rꞌịpe ekpululu bọ rꞌasikol phọ rꞌEḍiiny ạJodan rꞌịpe ekpululu bọ rꞌạḍigharaghar ade esoorom mọ, de phọ ạbuo ạHitait rꞌẠmorait rꞌaKenanait rꞌạPerezait rꞌaHivait rꞌaJebusait orugh bọ.

⁹Awe phọ Ịzirel ụkaaghi ni bụdaam mọ ạramha phọ ịphen: Jeriko, Eai etuman bọ Bẹtel,

¹⁰Jeruselem, Hẹbron,

¹¹Jamut, Lakis,

¹²Ẹglon, Gezer,

¹³Debir, Geder,

¹⁴Homa, Arad,

¹⁵Libna, Ạdulam,

¹⁶Makeda, Bẹtel,

¹⁷Tapua, Hefer,

¹⁸Afek, Lasaron,

¹⁹Mạdon, Hazor,

²⁰Simron Meron, Aksiaf,

²¹Taanak, Megido,

²²Kedes, Jokniam (ẹpe Kạrmel)

²³Dor (ẹpe ọgbal ọphiiny), Goyim (ẹpe Galili),

²⁴Tirza; oomo ạraalha ạramha phọ ọdi ạkaaghi bọ ọman bọ ịraardi rꞌoniin.