Read abua Josua 15 Bible Online

Josua 15 - abua bible

Josua 15

¹Mụen kụ abin ẹmoogh ẹlo eghun aJuda, bụo ọto rꞌopolo, emiigh ḍịghaagh esoorom ẹsighe ẹghi esiemi ẹpe ọku Idom, ẹghi esiemi ẹpe ẹdala phọ aZin ẹpe eekuna ọku ạḍighaagh esoorom mọ.

²Ọku ạbidi ẹpe ḍịghaagh esoorom mọ ạḍua ẹpe ọphu nyọpo odi bọ ḍịghaagh esoorom Ọphiiny-Ạla phọ

³kụ ạghi asi ẹpe ịigaany ạḍighaagh esoorom Eḍighom Akrabim ạḅeeny ạghi asi Zin kụ aten ạghi asi ẹpe matuman esoorom aKades Bania ạghi asi Hẹzron, aten ạghi asi Adar, kụ aago akiton Kaka,

⁴ạḍua ạghi asi Azmon, ạdaph okol phọ ọpo ạkuan bọ Ijipt ạḅile ramitiom ghan bọ mụum kasi Ọphiiny aMeditarenian. Phọn kụ ọku ọlo ạbidi ẹpe ạḍighaagh esoorom mọ.

⁵Ọku ọlo ạbidi ạga emitenom erumuḍio phọ kụ Ọphiiny-Ạla phọ. Ạki tụtu asi ọphu phọ ọpo akil bọ amite Jọdan.

⁶Ọku phọ ạḍua ạki asi ẹpe Bẹt Hogla, aten ạki asi ẹpe ephunom mọ ạBet Araba, ạḍua ạki asi ẹpe Aḍighiigh aBohan ọony phọ aRuben.

⁷Ọku phọ ạḍua ạki asi Debir, emiigh sịphe Eḍiiny Ịiḅaghami ẹghi esi ẹpe matuman ephunom ạGilgal ẹpe esomanan phọ dị rọki Eḍighom Adumim ẹpe esoorom ạmubo ạmuum mọ. Ọku phọ aten ạki asi ẹpe En Semes ẹghi esi En Rogel.

⁸Ọku ade phọ ạḍua ạki asi ẹpe Eḍiiny Bẹn aHinom, ẹḍua ẹghi ạga esoorom mọ ẹkuan Jeruselem ẹmha aJebusait phọ. Ọku phọ ạḍua ạki ạsiiny eegbolom mọ ẹpe edi bọ ạga emeelom erumuḍio Eḍiiny aHinom, eekuna ạga ephunom Eḍiiny aRefaim.

⁹Ọku phọ amiigh sịphe ạnyu eegbolom, ạsighe ạki asi ẹpe ạmubo ạmuum ighool phọ aNeftoa kụ ạsighe sịphe ạki asiemi ẹpe ạramha Eegum Efron, kụ ọku phọ ạkula akitonom Baala (ịduon phọ pọ ạKiriat Jiarim).

¹⁰Ọku phọ aago akiton ạḍua Baala ẹpe erumuḍio phọ remeel ghan bọ ạki asi roogbolom aIdom atenom ạki asi ịigaany ephunom Eegum aJiarim (ịduon phọ pọ aKesalon), ạki asi Bẹt Semes, kụ ạḍua ạki asi Timna.

¹¹Ọku phọ ạḍua asi ịigaany Ẹkron ẹpe ephunom mọ. Ọku phọ ạsighe ạki asi Sikeron ẹpe ạḍighaagh ephunom mọ, ạsighe asi ẹpe Baala, ạsighe ạki asi Jạmnia. Ọphiiny aMeditarenian kụ ọku phọ,

¹²nyọpo ạga emeelom erumuḍio phọ. Phọn kụ ọku ade eghun aJuda, bụo ọto rꞌopolo.

¹³Ịdipho Ọmoogh-we phọ ạto bọ ạḅeni Josua, ọdi ạsighe ẹmha ạKiriat Arba (ịduon phọ pọ ạHebron, Arba kụ ọde Anak) ạngo Kẹleb ọony phọ aJefune mọ ạmoogh bin mụo ọdi sịphe ogbo eghun phọ aJuda.

¹⁴Kụ ạKeleb aphorogh ịraar ạnmuny Anak ạsighiogh: Sesai, Ahiman rꞌaTalmai. Bịdi ụḍua ni ọkuruḅaka Anak kụ omite.

¹⁵Ọdi ạḍua sịphe phọ azuom bụphe orugh bọ ẹpe Debir (ḍịḅel aḍien aDebir ughol mọ ạKiriat Sefer).

¹⁶Kụ ạKeleb ạḅem mọ, “Oye lọ ạze we ạKiriat Sefer kụ ạsighe de phọ ạmoogh, mị kạsighe Aksa ọnyani phọ ạmi ạngo nyọdi dị aphin.”

¹⁷Ọtniel ọony phọ aKenaz umor ạKeleb ạsighe ạmoogh, kụ dị ạsighe Aksa ọnyani phọ ọdi ạngo kụ aphin.

¹⁸Aksa rogheel bọ kꞌolhom mọ ọdi kụ ạkpaariom olhom mọ ọdi mọ ạghi ạlhom ọde phọ ọno de oḅeph ozo, kụ Aksa ạḍua ạnyu ẹnam adool phọ ọdi asoor, kụ ạKeleb apuru ọnyani phọ ọdi mọ, “Eeghe? Ụga ni.”

¹⁹Kụ Aksa ạphagharanaan mọ, “Usu ịmi ooḅi ọghor. Loor esi dị nạ mụngo ịmi ḍịgharaghar ade phọ esoorom mọ, ḅịle ụngoom ịmi iniin iiḍiph.” Kụ ạKeleb ạngo Aksa iiḍiph phọ ịpe edi bọ ẹpe ạnyu phọ rꞌẹphen esoorom mọ.

²⁰Mụen kụ abin ẹmoogh ẹlo eghun aJuda, bụo ọto rꞌopolo.

²¹Ạramha ịpe eghun phọ aJuda edi bọ ẹpe eekuna ạḍighaagh esoorom mọ, ẹsighe ẹghi esiemi ẹpe Idom ịphen: Kạbzeel, Eder, Jagur,

²²Kina, Dimona, Adada,

²³Kedes, Hazor, Itnan,

²⁴Zịf, Telem, Bialot,

²⁵Hazor Hadata, Keriot Hẹzron (ịduon phọ pọ aHazor),

²⁶Amam, Sema, Molada,

²⁷Hazar Gada, Hesmon, Bẹt Pelet,

²⁸Hazar Sual, Beersheba, Biziotia,

²⁹Baala, Iim, Ezem,

³⁰Eltolad, Kesil, Homa,

³¹Zịklag, Madmana, Sansana,

³²Lebot, Silhim, Ain, Rimon; oomo igbogh ạramha phọ kụ ọḅaram rꞌịbam ạramha phọ ẹman bọ ịyaldi rꞌesugha ạramha.

³³Ẹpe ade phọ eḍiinyaan bọ, Estol, Zora, Asina,

³⁴Zanoa, En Ganim Tapua, Enam,

³⁵Jamut, Ạdulam, Soko, Azeka,

³⁶Saaraim, Aditaim, Gedera, Gederotaim; igbogh rꞌịbam ạramha ẹman bọ ḍioph rꞌinya ạramha.

³⁷Zenan, Hadasia, Mịgdalgad

³⁸Dilian, Mizpa, Jokteel,

³⁹Lakis, Bozkat, Ẹglon,

⁴⁰Kabon, Lamam, Kitlis,

⁴¹Gederot, Bẹt Dagon, Naama, Makeda; igbogh rꞌịbam ạramha phọ ẹman bọ ḍioph rꞌodiiny ạramha.

⁴²Libna, Eter, Asan,

⁴³Ifta, Asina, Nezib,

⁴⁴Keila, Akzib, Maresa; igbogh rꞌịbam ạramha phọ ẹman bọ esugha ạramha.

⁴⁵Ẹkron, igbogh rꞌịbam ạramha,

⁴⁶ẹḍua Ẹkron ẹghi esi ẹpe Ọphiiny aMeditarenian, oomo ẹpe etuman bọ Ạsdod, ọḅaram rꞌịbam ạramha phọ.

⁴⁷Ạsdod, ọḅaram igbogh rꞌịbam ạramha phọ ọdi; Gaza, ọḅaram igbogh rꞌịbam ạramha phọ ọdi, ẹsighe ẹghi esiemi okol phọ sịphe ọku phọ Ijipt, rꞌỌphiiny aMeditarenian phọ.

⁴⁸Rꞌẹpe aroogbolom mọ: Samir, Jatir, Soko,

⁴⁹Dana, Kịriat Sefer (ịduon phọ pọ aDebir),

⁵⁰Anab, Estemoa, Anim;

⁵¹Gosen, Holon, Gilo; igbogh rꞌịbam ạramha ẹman bọ ḍioph rꞌeniin ạramha.

⁵²Arab, Duma, Esan,

⁵³Janim, Bẹt Tapua, Afeka,

⁵⁴Humta, Kịriat Arba (ịduon phọ pọ ạHebron), Zior; igbogh rꞌịbam ạramha ẹman bọ esugha ạramha.

⁵⁵Maon, Kạrmel, Zịf, Juta,

⁵⁶Jẹzreel, Jokdiam, Zanoa,

⁵⁷Ken, Gibia, Timna; igbogh rꞌịbam ạramha ẹman bọ ḍioph ạramha.

⁵⁸Halhul, Bẹt Zur, Gedor,

⁵⁹Maarat, Bẹt Anot, Eltekon; igbogh rꞌịbam ạramha ẹman bọ odiiny ạramha.

⁶⁰Kịriat Baal (ịduon phọ pọ Kịriat Jiarim), Raba; igbogh rꞌịbam ạramha ẹman bọ ịyal ạramha.

⁶¹Rꞌẹpe ẹdala phọ, Bẹt Araba, Midin, Sekaka,

⁶²Nibsan, Ẹmha Aboph, En Gedi; igbogh rꞌịbam ạramha ẹman bọ odiiny ạramha.

⁶³Kụ awe phọ aJuda útue uporogh bụo aJebusait bụphe orugh bọ ẹpe Jeruselem ụ́sighiogh; kụ ạbuo aJebusait rꞌawe phọ aJuda urughan ẹpe Jeruselem kꞌarodon.