Read abua Josua 19 Bible Online

Josua 19 - abua bible

Josua 19

¹Ẹlhel phọ ẹpe emuneniom bọ ịyal phọ imeelom eghun ạSimion, bụo ọto rꞌopolo. Ẹmoogh ẹlo ạbidi ẹrol sịphe abin ẹmoogh ẹlo eghun aJuda.

²Ẹmoogh ẹlo ạbidi: Beersheba, Siba, Molada,

³Hazar Sual, Bala, Ezem,

⁴Eltolad, Betul, Homa,

⁵Zịklag, Bẹt Markabot, Hazar Susa,

⁶Bẹt Lebot, Saruhen; ḍioph rꞌịraar igbogh ạramha, ọḅaram rꞌịbam ạramha phọ ạbidi.

⁷Ain, Rimon, Eter, Asan; inya igbogh ạramha rꞌịbam ạramha phọ ạbidi.

⁸Rꞌoomo ịbam ạramha phọ ịphen ekitonom igbogh ạramha phọ ịphen ẹghi esi Baalat Beer (Rama ẹpe esoorom mọ). Ịphen kụ ẹmoogh ẹlo eghun ạSimion, bụo ọto rꞌopolo.

⁹Abin ẹmoogh ẹlo aJuda ẹpughan epu bịdi. Kụ iḍighi kụ eghun ạSimion uphin aani bin ẹmoogh mụo ạbidi sịphe abin phọ aJuda.

¹⁰Ẹlhel ẹpe emuneniom bọ ịraar phọ imeelom eghun ạZebiulon, bụo ọto rꞌopolo. Ọku ẹmoogh ẹlo ạbidi ẹsighe ẹki esi Sarid.

¹¹Ọku ọlo ạbidi ạsighe ạki ẹpe erumuḍio phọ remeel ghan bọ asiemi Mạrial, ạsighe asi atuman Dabeset, ạki asi ẹpe okol ạmuum mọ koten bọ kụ ọteeny Jokniam.

¹²Akiton aten ạki ẹpe Sarid, ạga phọ ẹpe erumuḍio phọ remite ghan bọ, ạki asi ẹpe ọku aKislot Tabor, ạḍua aten ạki asi Daberat, ạki asi Jạfia.

¹³Ạḍua ẹpe phọ aten ạki asi ẹpe erumuḍio phọ remite ghan bọ, ạki asi Gạt Hefer, ạki asi Et Kazin, ạḍua ạki asi Rimon aago asoman Nia.

¹⁴Ọku phọ aago ạsighe ạki ẹpe ephunom asi Hanaton kụ aten ẹpe Eḍiiny ạIftahel.

¹⁵Ịlo ạbidi kẹn, Katat, Nạhalel, Simron, Idala rꞌạBetilihem: ḍioph rꞌịyal igbogh ạramha, ọḅaram rꞌịbam ạramha phọ ạbidi.

¹⁶Mụen kụ abin ẹmoogh ẹlo eghun ạZebiulon, bụo ọto rꞌopolo; ịphen kụ igbogh ạramha phọ rꞌịbam ạramha phọ ạbidi.

¹⁷Ẹlhel ẹpe emuneniom bọ inya phọ imeelom Ịsaka, bụo ọto rꞌopolo.

¹⁸Ọku ọlo ạbidi: Jẹzreel, Kesulot, Sunem,

¹⁹Hafaraim, Sion, Anaharat,

²⁰Rabit, Kịsion, Ebez,

²¹Remet, En Gannim, En Hada, Bẹt Pazez.

²²Ọku phọ ạbidi ạsighe ạki asi ẹpe Tabor, Sahazuma, Bẹt Semes. Ọku phọ ạḍua ạki asi Jọdan: ḍioph rꞌodiiny igbogh ạramha, ọḅaram rꞌịbam ạramha phọ ạbidi.

²³Mụen kụ abin ẹmoogh ẹlo eghun Ịsaka, bụo ọto rꞌopolo; ịphen kụ igbogh ạramha phọ rꞌịbam ạramha phọ ạbidi.

²⁴Ẹlhel ẹpe emuneniom bọ oogh phọ imeelom eghun Ạser, bụo ọto rꞌopolo.

²⁵Ọku ọlo ạbidi: Helkat, Hali, Beten, Aksiaf,

²⁶Ạlamelek, Amad, Misal; ạsighe ạki ẹpe erumuḍio phọ remeel ghan bọ asi atuman Kạrmel rꞌaSihor Libnat.

²⁷Ọku phọ aago akiton ạki ẹpe erumuḍio phọ remite ghan bọ asi Bẹt Dagon, ạsighe asi atuman Zẹbiulon ẹpe Eḍiiny ạIftahel, ạsighe ạki ephunom ịigaany ạBet Emek rꞌạNeyel, ạḍua ạki ephunom asi Kabul,

²⁸Ẹbron, Rehob, Hamon, Kạna, ạsighe ạki asi oboom mọ aSaidon.

²⁹Ọku phọ akiton aten ạki Rama, ạki asi Taya ẹmha phọ oghoony bọ. Ọku phọ akiton ạki ẹpe Hosa, kụ asi eekuna ẹpe Ọphiiny aMeditarenian. Ịlo ạbidi kẹn Akzib,

³⁰Uma, Afek, Rehob; ịyaldi rꞌịyal igbogh ạramha, ọḅaram rꞌịbam ạramha phọ ạbidi.

³¹Mụen kụ abin ẹmoogh ẹlo eghun Ạser, bụo ọto rꞌopolo; ịphen kụ igbogh ạramha phọ rꞌịbam ạramha phọ ạbidi.

³²Ẹlhel ẹpe emuneniom bọ odiiny phọ imeelom eghun ạNaftalai, bụo ọto rꞌopolo.

³³Ọku ọlo ạbidi amiigh sịphe Helef, ạḍua Alon ạki asi ḍịogh ẹpe Zaananim, ạki asi Adami Nekeb rꞌạJamnia, ạki asi Lakum, ạḍua ẹpe ạki asi Jọdan.

³⁴Ọku phọ akiton ạki ẹpe erumuḍio phọ remeel ghan bọ asi Aznot Tabor, ạḍua sịphe ạki asi Hụkok, ạḍua ẹpe ạki asi atuman Zẹbiulon ẹpe ḍịghaagh esoorom mọ, ạḍua ạki asi atuman Ạser ẹpe erumuḍio phọ remeel ghan bọ, ạkuan Juda ẹpe Jọdan ẹpe erumuḍio phọ remite ghan bọ.

³⁵Kụ ạramha phọ ịpe oghoony bọ: Zidim, Zer, Hạmat, Rakat, Kineret,

³⁶Adama, Rama, Hazor,

³⁷Kedes, Edrei, En Hazor,

³⁸Yiron, Mịgdalel, Horem, Bẹt Anat, Bẹt Semes; ḍioph rꞌesugha igbogh ạramha ọḅaram rꞌịbam ạramha phọ ạbidi.

³⁹Mụen kụ abin ẹmoogh ẹlo eghun ạNaftalai, bụo ọto rꞌopolo; ịphen kụ igbogh ạramha rꞌịbam ạramha phọ ạbidi.

⁴⁰Ẹlhel ẹpe emuneniom bọ oḍual phọ imeelom eghun ạDan, bụo ọto rꞌopolo.

⁴¹Ẹmoogh ẹlo ạbidi: Zora, Estol, Ir Semes,

⁴²Saalbim, Aizalon, Itla,

⁴³Elon, Timna, Ẹkron,

⁴⁴Elteke, Gibeton, Baalat,

⁴⁵Jehud, Bẹne Berak, Gạt Rimon,

⁴⁶Mejarkon, Rakon, oten ọku phọ ạbidi kụ ọteeny Jọpa.

⁴⁷Ịdi eḍighi bọ eghun ạDan ụ́moogh ịikpo ịlo ọsighe ade phọ ạbidi ọmoogh, bịdi ụghi ozuom ẹgham we aLais, kụ ọsighe eḍume elhool ẹgham ọziom bịdi ọmadan, kụ ọsighe de phọ ạbidi ọmoogh kụ orughogh sịphe, kụ bịdi oghol Lais mọ ạDan, ọsighe ḍien ọde phọ ạbidi.

⁴⁸Mụen kụ abin ẹmoogh ẹlo eghun ạDan, bụo ọto rꞌopolo; ịphen kụ igbogh ạramha phọ rꞌịbam ạramha phọ ạbidi.

⁴⁹Kụ bịdi rodianagh bọ de phọ rọmadan rọmoogh, bụo ọku rꞌọku, kụ awe phọ Ịzirel ọngo aani Josua ọony phọ ạNon bin ẹmoogh ẹlo ọdi sịphe ogbo phọ ạbidi.

⁵⁰Bịdi ụdaph ịpe Ọmoogh-we phọ ạto bọ ạḅeni bịdi kụ ọngo nyọdi ẹmha phọ nyẹpe ọdi ạlhom bọ, Timnat Seraa ẹpe aroogbolom Ifraim, kụ ọdi ạḅile ạlogh ẹmha phọ ạnighemi kụ arugh sịphe phọ.

⁵¹Ịphen kụ asibin ẹmoogh phọ Ẹliazar oyil ạrikia phọ, Josua ọony phọ ạNon rꞌạbuo ạrumhu arughunughun phọ Ịzirel ọsa bọ ẹlhel kụ ọsighe odiom de phọ ẹpe Sailo elhor Ọmoogh-we phọ, sịphe Ogbogo Ạdol Ọmoogh-we phọ. Ịduon kụ ịdi bịdi ọmadan bọ odian ade phọ.