Read anuak 1 Luup Nyeye 24 Bible Online

1 Luup Nyeye 24 - anuak bible

1 Luup Nyeye 24

¹Man beeye luum nyïïkwaac Aran kanya cïïm ge na dhøgi. Ni wääte beege Nadap, ka Abiyu, ki Eliedhar, ki Itamer.

²'Ba Nadap ka Abiyu gena thøw ni wääge poot nutö, ni bäŋ wäätge mo ege nywølø. 'Ba Eliedhar ki Itamer gena tïmö na dïlämme.

³Ni ö Deebiti ni cïïm nyïïkwaac Aran na dhøgi ki køør tïïe moa cïp jïge, ni jøøa køny gø ki tïïc manøgø beeye Dhadök na käl dhi øt Eliedhar, ka Ayemëlëk na käl dhi øt Itamer.

⁴'Ba kwään dïbwöthe moa thööth mo kaala mo Itamer joota røk nyïïkwaac Eliedhar; kiper ki røk nyïïkwaac Eliedhar da dïbwöthe apaar ka abïciel mo dhøk uudi. 'Ba ki røk nyïïkwaac Itamer da dïbwöthe abära mo dhøk uudi.

⁵'Ba gena cïïmmi ni dïët bëët ki køør gïï wø tïïc na nyuuthe, kiper da dïlämme mo kwörge døøŋŋø mo øt Jwøk ki dïlämme mo kwörge døøŋŋø mo lam dëët nyïïkwaac Eliedhar ki nyïïkwaac Itamer bëët.

⁶'Ba Cemaya, ŋat wø gööt piny ki luup, na näk o Natanel na käl ri jø tuuŋ Libay, nyeŋ jøøgø agöör piny nyïm nyeya, ki dïbwöthe, ki Dhadök na bëëdö na Kwääy Lam Mana Dwøŋ, ka Ayemëlëk wär Abiethaar, ki wïth dhøk uudi mo dïlämme, ki wïth dhøk uudi mo jø tuuŋ Libay, ni nyuuthe tïïcge ni ge lwötö røk nyïïkwaac Eliedhar ki røk nyïïkwaac Itamer ni welge wellø.

⁷'Ba nyuudhi mana dïkwøŋ aö wøk ki nyeŋ Jöyarip; ni ö riet nyuudhi ni ö wøk ki nyeŋ Jidaya;

⁸ni ö dää nyuudhi ni ö wøk ki nyeŋ Arim; ni ö ŋweer nyuudhi ni ö wøk ki nyeŋ Cöörim;

⁹ni ö bïï nyuudhi ni ö wøk ki nyeŋ Malkiya; ni ö bïcier nyuudhi ni ö wøk ki nyeŋ Miyamin;

¹⁰ni ö bïriet nyuudhi ni ö wøk ki nyeŋ Aködh; ni ö bäc nyuudhi ni ö wøk ki nyeŋ Abaaja;

¹¹ni ö bïŋweer nyuudhi ni ö wøk ki nyeŋ Jëcua; ni ö paac nyuudhi ni ö wøk ki nyeŋ Cekaniya;

¹²ni ö paac kurcier nyuudhi ni ö wøk ki nyeŋ Eliyacip; ni ö paac kurriet nyuudhi ni ö wøk ki nyeŋ Jakim;

¹³ni ö paac kurdää nyuudhi ni ö wøk ki nyeŋ Upa; ni ö paac kurŋweer nyuudhi ni ö wøk ki nyeŋ Jecebeap;

¹⁴ni ö paac kurbïï nyuudhi ni ö wøk ki nyeŋ Bilga; ni ö paac kurbïcier nyuudhi ni ö wøk ki nyeŋ Imër;

¹⁵ni ö paac kurbïriet nyuudhi ni ö wøk ki nyeŋ Ëdhir; ni ö paac kurbäc nyuudhi ni ö wøk ki nyeŋ Apijej;

¹⁶ni ö paac kurbïŋweer nyuudhi ni ö wøk ki nyeŋ Petaya; ni ö pïërriet nyuudhi ni ö wøk ki nyeŋ Jedhekël;

¹⁷ni ö pïërriet kurcier nyuudhi ni ö wøk ki nyeŋ Jaakin; ni ö pïërriet kurriet nyuudhi ni ö wøk ki nyeŋ Gamul;

¹⁸ni ö pïërriet kurdää nyuudhi ni ö wøk ki nyeŋ Delaya; ni ö pïërriet kurŋweer nyuudhi ni ö wøk ki nyeŋ Maadhiya.

¹⁹Moøgø beege kwääri mo dïlämme kany wø öge øt Wuuö Jwøk kiper tïïc marge mana no ocïp piny kiper dïlämme ki ri kwarge ma Aran, kaawat mana ö Wuuö Jwøki, Jwø Icriel, na kööm Aran.

²⁰'Ba moi beege kwääri møga moa käl dëër Libay. Ki røk jøøa käl dëër Amram beeye Cuubaël; ki røk jøøa käl dëër Cuubaël beeye Jekdiya;

²¹ki røk jøøa käl dëër Rebiya, ŋata dïkwøŋ beeye Iciya;

²²ki røk jøøa käl dëër Icaar beeye Cëlömöth; ki røk jøøa käl dëër Cëlömöth beeye Jakath.

²³'Ba wäät Keeprön, mana dïkwøŋ beeye Jeriya, ni rietge beeye Amariya, ni dääge beeye Jadhiël, ni ŋweerge beeye Jekamem.

²⁴'Ba ki røk jøøa käl dëër Udhiel beeye Mikiya; ki røk jøøa käl dëër Mikiya beeye Camir.

²⁵'Ba cöök Mikiya beeye Iciya. 'Ba ki røk jøøa käl dëër Iciya beeye Dhekaraya.

²⁶'Ba wäät Mërari beege Maali ki Muci; 'ba Bëno beeye wär Jaadhia.

²⁷'Ba ki røk jøøa käl dëër Mërari ki ri Jaadhia beege Bëno ki Cööm ki Dhakur ki Ëbari.

²⁸'Ba ŋata näk bäŋ wääte na käl ri Maali beeye Eliedhar.

²⁹'Ba ŋata käl dëër Kic beeye wääde ma Jeramiel.

³⁰'Ba wäät Muci beeye Maali ka Adër ki Jerimöth. Moøgø bëët beege jøøa käl dëër Libay ki køør dhøk uudi moge.

³¹'Ba geni thuwø gena tïïö ki gïï wø tïïc na nyuuthe keda mana tïïc tuuŋge na käl ri Aran, kaawat mana tïïcge gø nyïm nyeya ma Deebit ki Dhadök ka Ayemëlëk ki bwöthe mo dhøk uudi moge, ki dïlämme ki jø tuuŋ Libay. 'Ba dhøk uudi moa døøŋŋø atïïc ni röömi ki dhøk uudi moa therø.