Read anuak 1 Luup Nyeye 6 Bible Online

1 Luup Nyeye 6 - anuak bible

1 Luup Nyeye 6

¹Wäät Libay beege Gërcön ki Kät ki Mërari.

²'Ba wäät Kät beege Amram, ki Icaar, ki Keeprön, ki Udhiel.

³Ni ö obwöre mo Amram ni näkge beege Aran, ki Modhe, ki Mariyam. Ni wäät Aran beege Nadap, ka Abiyu, ki Eliedhar, ki Itamer.

⁴Eliedhar beeye wää Piniac, Piniac beeye wää Abicua,

⁵Abicua beeye wää Buki, Buki beeye wää Udhi,

⁶Udhi beeye wää Dheraya, Dheraya beeye wää Merayöt,

⁷Merayöt beeye wää Amariya, Amariya beeye wää Akitöp,

⁸Akitöp beeye wää Dhadök, Dhadök beeye wää Akimaath,

⁹Akimaath beeye wää Adhariya, Adhariya beeye wää Jöanan,

¹⁰Jöanan beeye wää Adhariya mana tïïö na dïlämi yi Øt Wuuö Jwøk mana geer Cølömanni yi Jerucalem.

¹¹Adhariya manøgø beeye wää Amariya, Amariya beeye wää Akitöp,

¹²Akitöp beeye wää Dhadök, Dhadök beeye wää Calum,

¹³Calum beeye wää Kilkiya, Kilkiya beeye wää Adhariya,

¹⁴Adhariya beeye wää Ceraya, Ceraya beeye wää Jöcëdëk,

¹⁵ni beeye Jöcëdëk mana käl kanya ö Wuuö Jwøki na cïp jø Juuda ki jø Jerucalem cer nyeya ma Nabukedenecör ni mak geni ki tøŋ.

¹⁶'Ba wäät Libay beege Gërcön ki Kät ki Mërari.

¹⁷Ni nyeŋ wäät Gërcön beege Löbeni ki Cimiy.

¹⁸Ni ö wäät Kät ni näkge beege Amram, ki Icaar, ki Keeprön, ki Udhiel.

¹⁹'Ba wäät Mërari beege Maali ki Muci. 'Ba jiy moa käl dëër Libay ki køør dhøk uudi mo wëëkge beege ii:

²⁰Ki ri dhi øtø mar Gërcön beeye wääde ma Löbeni. Ni Löbeni wääde beeye Jakath, Jakath wääde beeye Jimma,

²¹Jimma wääde beeye Jöa, Jöa wääde beeye Idö, Idö wääde beeye Dheera, Dheera wääde beeye Jeetheray.

²²'Ba ki ri dhi øtø mar Kät beeye wääde ma Aminadap. Na Aminadap wääde beeye Köra, Köra wääde beeye Acër,

²³Acër wääde beeye Elkana, Elkana wääde beeye Ebiacap, Ebiacap wääde beeye Acër,

²⁴Acër wääde beeye Taath, Taath wääde beeye Uriel, Uriel wääde beeye Udhaya, Udhaya wääde beeye Caul.

²⁵'Ba Elkana wääte beege Amacay ka Akimöth.

²⁶Na Akimöt wääde beeye Elkana, Elkana wääde beeye Jöpäy, Jöpäy wääde beeye Naath,

²⁷Naat wääde beeye Eliap, Eliap wääde beeye Jeröam, Jeröam wääde beeye Elkana.

²⁸'Ba wäät Camiel beege Jool na näk kanynye, ki julle ma Abaaja.

²⁹'Ba ki ri dhi øtø mar Mërari beeye wääde ma Maali. Ni Maali wääde beeye Löbeni, Löbeni wääde beeye Cimiy, Cimiy wääde beeye Udha,

³⁰Udha wääde beeye Cimia, Cimia wääde beeye Agïya, Agïya wääde beeye Acaaya.

³¹'Ba Deebit ajëëdö ki jiy kiper tïï wär ki dudi yi Øt Wuuö Jwøk kanya tïm acanduki man wø nyooth luumma tuut Jwøki ki jiy ni ena kaace Jerucalem.

³²Ni bëët jøøgø ni ge tïïya tïï wär ki dudi nyïm oduŋkaany røømmø këël kanya ö Cølömanni na geer Øt Wuuö Jwøk yi Jerucalem. Gena bëëdö ni ge tïïya tïïc manøgø ki køør ciik mana no ocïp piny kipere.

³³Moi beege nyeŋge ki dhøk uudi moge, ge na tïïc tïï wär ki dudi. Ki røk nyïïkwaac Kät, ŋata bëëdö na lööŋö beeye Ëman. Ëman beeye o Jool, Jool beeye o Camiel,

³⁴Camiel beeye wär Elkana, Elkana beeye wär Jeröam, Jeröam beeye wär Eliel, Eliel beeye o Töa,

³⁵Töa beeye o Dhup, Dhup beeye wär Elkana, Elkana beeye o Maath, Maath beeye wär Amacay,

³⁶Amacay beeye wär Elkana, Elkana beeye o Jool, Jool beeye wär Adhariya, Adhariya beeye o Jepaniya,

³⁷Jepaniya beeye o Taath, Taath beeye wär Acër, Acër beeye wär Ebiacap, Ebiacap beeye o Köra,

³⁸Köra beeye wär Icaar, Icaar beeye o Kät, Kät beeye o Libay, Libay beeye wär Icriel.

³⁹'Ba lööŋö maya beeye Acaap, ŋat wø cuŋŋi bäät cwïï Ëman. Acaap beeye o Berekiya, Berekiya beeye o Cimia,

⁴⁰Cimia beeye o Mikaël, Mikaël beeye o Baaciya, Baaciya beeye o Malkiya,

⁴¹Malkiya beeye wär Ethni, Ethni beeye o Dheera, Dheera beeye wär Adaya,

⁴²Adaya beeye wär Ëtan, Ëtan beeye o Jimma, Jimma beeye o Cimiy,

⁴³Cimiy beeye o Jakath, Jakath beeye o Gërcön, Gërcön beeye o Libay.

⁴⁴'Ba lööŋö maya thuwø mana en bäät caam Ëman beeye Ëtan na en røk jøøa käl dëër Mërari. Ëtan beeye o Kici, Kici beeye wär Abdi, Abdi beeye o Maluk,

⁴⁵Maluk beeye wär Acabiya, Acabiya beeye wär Amaciya, Amaciya beeye o Kilkiya,

⁴⁶Kilkiya beeye wär Amci, Amci beeye o Bani, Bani beeye o Cëmër,

⁴⁷Cëmër beeye o Maali, Maali beeye o Muci, Muci beeye o Mërari, Mërari beeye o Libay.

⁴⁸'Ba jø tuuŋ Libay møga, tïïe møga bëët mo wø tïïc Øt Wuuö Jwøk acïp ceŋge.

⁴⁹'Ba Aran ki wääte cïp olämme mo wø waaŋ bäre ki waaŋ gïï wø jïcge ŋwääi ni met acïp ceŋge, kiper tïïe bëët mo wø tïïc thääŋ Øt Jwøk mana en kur keere na pere leth, ni tïïe moøgø tïïc no okïdi kiper wëën raay mo jø Icriel, kaa mana ö Modhe na näk dhaanh Wuuö Jwøk na kööm geni.

⁵⁰'Ba jiy moa käl dëër Aran beege ii: Wääde beeye Eliedhar. Ni Eliedhar wääde beeye Piniac, Piniac wääde beeye Abicua,

⁵¹Abicua wääde beeye Buki, Buki wääde beeye Udhi, Udhi wääde beeye Dheraya,

⁵²Dheraya wääde beeye Merayöt, Merayöt wääde beeye Amariya, Amariya wääde beeye Akitöp,

⁵³Akitöp wääde beeye Dhadök, Dhadök wääde beeye Akimaath.

⁵⁴'Ba moi beege kwör bëëte mo jiy moa käl dëër Aran ki køør twëëre moa enge yïthge nyeŋ kee moge. Ki dëët wäät Aran, dhi øtø mar Kät kar bëëtö mana dïkwøŋ apäth ceŋge ki køør gïï wø tïïc na nyuuthe;

⁵⁵ni cïp pääny Keeprön jïge na en yi ŋööm Juuda, ki kwör kwaath moe moa en deŋŋe.

⁵⁶'Ba pwöth mo päänyögø ka atude moe acïpge jï Kalëp wär Jöpöni.

⁵⁷'Ba päänye moa cïp jï jiy moa käl dëër Aran bee pääny mar gwøk røk na näk Keeprön, ki Libana ki kwör kwaath moe, ki Jatir, ki Ëctemöa ki kwör kwaath moe,

⁵⁸ki Olön ki kwör kwaath moe, ki Dabëër ki kwör kwaath moe,

⁵⁹ki Ayn ki kwör kwaath moe, ki Bëëth-Camic ki kwör kwaath moe.

⁶⁰'Ba päänye moa cïp jïge ki baŋ jø tuuŋ Benjamen bee Gëba ki kwör kwaath moe, ka Alemeth ki kwör kwaath moe, ka Anathöth ki kwör kwaath moe. Päänye bëët moa ci jï nyïïkwaac Aran beege päänye apaar kurdäk.

⁶¹'Ba nyïïkwaac Kät møga, gena jïtö ki päänye apaar ki køør gïï wø tïïc na nyuuthe. Ni päänye moøgøøni lwørra røk päänye mo dhøk uudi mo thääŋ jø tuuŋ Maneeca.

⁶²'Ba päänye moa cïp jï nyïïkwaac Gërcön ki køør dhøk uudi moge, beege päänye apaar kurdäk, ni päänye moøgø lwørra baŋ jø tuuŋ Icakar, ki jø tuuŋ Acer, ki jø tuuŋ Naptali, ki thääŋ jø tuuŋ Maneeca mana en yi ŋööm Baacan.

⁶³Päänye moa cïp thuwø jï nyïïkwaac Mërari ki køør dhøk uudi moge na cïp ki køør gïï wø tïïc na nyuuthe, beege päänye apaar kurriiø. Päänye moøgø lwørra baŋ jø tuuŋ Ruben, ki baŋ jø tuuŋ Gaat, ki baŋ jø tuuŋ Dhebulan.

⁶⁴Manøgø beeye gïna tïïc jø Icrielli kanya cïpge päänye jï jø tuuŋ Libay ni rwöpge ka kwör kwaath moa näk mo päänye moøgø bëët.

⁶⁵Päänye moøgø cïpge ka køør gïï wø tïïc na nyuuthe. Ni lwørge baŋ nyïïkwaac jø tuuŋ Juuda, ki nyïïkwaac jø tuuŋ Cimien, ki nyïïkwaac jø tuuŋ Benjamen; ni beege päänye moa nyeŋge kwøŋ caan maal kaagø.

⁶⁶'Ba dhøk uudi møga mo nyïïkwaac Kät gena jïtö ki päänye baŋ jø tuuŋ Ipariem.

⁶⁷Päänye moa cïp jøøgø jïge bee Cekam na näk pääny mar gwøk røk na en mïëya en bäät kïte na en kur jø tuuŋ Ipariem, ki kwör kwaath moe, ki Gëdher ki kwör kwaath moe,

⁶⁸ki Jökimiam ki kwör kwaath moe, ki Bëëth-Örön ki kwör kwaath moe,

⁶⁹ka Ayalön ki kwör kwaath moe, ki Gëth-Rimön ki kwör kwaath moe.

⁷⁰'Ba ki baŋ thääŋ jø tuuŋ Maneeca thuwø da päänye mo ege cïbö jï dhøk uudi møga mo nyïïkwaac Kät. Päänye moøgø bee Anër ki kwör kwaath moe, ki Biliam ki kwör kwaath moe.

⁷¹'Ba päänye moa cïp jï nyïïkwaac Gërcön ki baŋ thääŋ jø tuuŋ Maneeca beeye Gölan na en Baacan ki kwör kwaath moe, ka Actaröth ki kwör kwaath moe.

⁷²'Ba päänye moa cïp jïge ki baŋ jø tuuŋ Icakar bee Këdëc ki kwör kwaath moe, ki Dabirat ki kwör kwaath moe,

⁷³ki Ramöth ki kwör kwaath moe, ka Anem ki kwör kwaath moe.

⁷⁴'Ba päänye moa cïp jïge thuwø ki baŋ jø tuuŋ Acer bee Macal ki kwör kwaath moe, ka Abidön ki kwör kwaath moe,

⁷⁵ki Ukök ki kwör kwaath moe, ki Reeyöp ki kwör kwaath moe.

⁷⁶'Ba päänye moa cïp jïge ki baŋ jø tuuŋ Naptali bee Këdëc na en Galili ki kwör kwaath moe, ka Amön ki kwör kwaath moe, ki Kiriatayim ki kwör kwaath moe.

⁷⁷'Ba jø tuuŋ Libay moa dööŋ, na näk nyïïkwaac Mërari, päänye moa cïp jïge ki baŋ jø tuuŋ Dhebulan beeye Rimönö ki kwör kwaath moe, ki Tabör ki kwör kwaath moe.

⁷⁸'Ba päänye moa cïp jïge ki baŋ jø tuuŋ Ruben løø Naam Jördan løøga jï løø kur tuul-cäŋ na dïët ki Jerikö bee Böcör na en wøk ki kwör kwaath moe, ki Jaca ki kwör kwaath moe,

⁷⁹ki Kedemöth ki kwör kwaath moe, ki Mëpät ki kwör kwaath moe.

⁸⁰Ni moa cïp jïge ki baŋ jø tuuŋ Gaat bee Ramöth na en Gelät ki kwör kwaath moe, ki Maanayim ki kwör kwaath moe,

⁸¹ki Ëcbön ki kwör kwaath moe, ki Jadher ki kwör kwaath moe.