Read anuak 1 Luup Nyeye 7 Bible Online

1 Luup Nyeye 7 - anuak bible

1 Luup Nyeye 7

¹'Ba wäät Icakar moa na aŋween beege Töla, ki Puwa, ki Jacup, ki Cimrön.

²Ni wäät Töla moa bëëdö na wïth dhøk uudi moge beege Udhi, ki Rëpaya, ki Jeriël, ki Jaamay, ki Ibacam, ki Cemuel. 'Ba kanya bëët Deebiti na nyeya, jøøa käl ri Töla na näk nyeŋge ogöör piny yi wëël nyeŋ, gena cwøw leny mo teek mo kwäänge beege kume ma pïërariiø kurriiø ki dïpe abïciel.

³'Ba Udhi wääde beeye Idhariya, ni wäät Idhariya beege Mikaël, ki Øbadiya, ki Jool, ki Iciya. Jøøi bëët na abïïc ii gena wïth dhøk uudi moge.

⁴'Ba jiy moa käl dëëtge, ki køør dhøk uudi moge, atïmö ni thööth kiper obwöre moge thööth ki køør määrge na thööth, ni jïtge ki cwøw ma kume ma pïëradäk ka abïciel mo rege ege jiiŋŋø kiper leny, mo nyeŋge ogöörö yi wëël nyeŋ.

⁵'Ba cwøw leny moa teek mo dhøk uudi mo jø tuuŋ Icakar na näk nyeŋge ogöörö yi wëël nyeŋ, kwäänge beege kume ma pïërabära ka abïriiø.

⁶'Ba wäät Benjamen moa na adäk beege Bëla ki Bëkër ki Jediel.

⁷Ni wäät Bëla moa na abïïc beege Ëdhbön, ki Udhi, ki Udhiel, ki Jerimöth, ki Iri, ni beege jøøa bëëdö na wïth dhøk uudi moge ni gena cwøw leny mo teek mo nyeŋge ogöör yi wëël nyeŋ, ni kwäänge beege kume ma pïërariiø kurriiø ki pïëradäk kurŋween.

⁸'Ba wäät Bëkër beege Jemira, ki Jöac, ki Eliëdher, ki Eliyönay, ki Ømri, ki Jerëmöth, ka Abaaja, ka Anathöth, ka Alemeth. Moøgø bëët beege wäät Bëkër,

⁹na näk nyeŋge ogöörö yi wëël nyeŋ ki køør beenhnhe moge ki wïth dhøk uudi moge, ni gena cwøw leny mo teek mo kwäänge beege kume ma pïërariiø ki dïpe ariiø.

¹⁰'Ba Jediel wääde beeye Bilaan. Ni wäät Bilaan beege Jeuc, ki Benjamen, ki Ëwut, ki Kinana, ki Jethan, ki Tarcëc, ka Akicaar.

¹¹Moøgø bëët beege wäät Jediel, na bëëdö na wïth dhøk uudi moge, ni gena cwøw leny mo teek mo kwäänge beege kume apaar ka abïriiø ki dïpe ariiø mo rege ege jiiŋŋø kiper ciin baŋ leny.

¹²'Ba jø tuuŋ Cupim ki jø tuuŋ Upim, ge käla ri Ir, ni jø tuuŋ Ucim ge käla ra Aker.

¹³Wäät Naptali beege Jaadhël, ki Guni, ki Jedher, ki Calum. 'Ba Bila beeye mii Naptali.

¹⁴'Ba wäät Maneeca beege: Aciriel ki Makir na nywøle ki dhaaŋŋa na akwanya, nyi jø Aram. 'Ba Makir beeye na wää Gelät.

¹⁵Ni ö Makirri ni nyöömme ki dhaagø jï Upim ni nyöömme thuwø ki dhaagø jï Cupim; 'ba nyeŋ coki mana näk dhaagø beeye Maika. Ŋata käl dëëre thuwø beeye Dhilöpat, na näk nyïïe mään.

¹⁶Maika ci Makir anywøl ki wääde ni cak nyeŋ gø ni Përec, ni nyeŋ coki beeye Cerec. Ni wäät Përec beege Ulam ki Rakim.

¹⁷Ni wär Ulam beeye Bedan. Moøgø beege jøøa käl dëër Gelät o Makir, ni beeye Makir o Maneeca.

¹⁸'Ba nyeŋ cöök Gelät mana näk dhaagø beeye Amöleketh, ni wäät Amöleketh moa nywøle beege Icöd, ka Abiedhar, ki Maala.

¹⁹'Ba wäät Cemida beege Akian, ki Cekam, ki Liki, ka Aniam.

²⁰'Ba jøøa käl dëër Ipariem beege Cuthula. Cuthula wääde beeye Berët, ni Berët wääde beeye Taath, Taath wääde beeye Eliada, Eliada wääde beeye Taath,

²¹Taath wääde beeye Dhabat, Dhabat wääde beeye Cuthula. 'Ba wäät Ipariem møga beege Ëdhör ki Eliat, jøøa 'näk jø Gëthi kiper mana cige kuna kwalge lääc paac mo jø Gëth.

²²'Ba Ipariem gïr wääte akïïne ki nïne mo thööth, ni ö tuuŋge baŋe kuna cømge cwïnye.

²³Køøre ena cäŋ ci baŋ cïïe, ni jït yi cïïe ki dhaanhø ni nywøli na dïcwøø, ni ö Ipariem ni cak nyeŋ gø ni Beria kiper gïna leth na pänh bäät paare.

²⁴'Ba nyaare mana näk dhaagø beeye Cëëra na geer Bëëth-Örön mana en maal ki mana en piny, na geer Udhën-Cëëra thuwø.

²⁵'Ba wär Ipariem beeye Ripa, ni Ripa wääde beeye Rëcep, Rëcep wääde beeye Tëla, Tëla wääde beeye Taan,

²⁶Taan wääde beeye Ladan, Ladan wääde beeye Ammiyut, Ammiyut wääde beeye Elicama,

²⁷Elicama wääde beeye Nun, Nun wääde beeye Jøcua.

²⁸'Ba ŋøøm moge ki kar bëëtge beeye Bëthël ka atude moe moa en deŋŋe, ki Neäran na en jï løø kur tuul-cäŋ, ki Gëdher ka atude moe na en jï løø kur pänh-cäŋ, ki Cekam ka atude moe këël mana këët Ayya ka atude moe.

²⁹'Ba päänye moge moa en waŋ keew ki jø tuuŋ Maneeca beege Bëëth-Can, ki Tanak, ki Megidø, ki Dör ka atude moa en deŋge. 'Ba jøøa käl ri Jocep wär Icriel ge bëëdö yïth päänye moøgø.

³⁰Wäät Acer beege Yimna, ki Yecuwa, ki Yecuwi, ki Beria, ki coki ma Cëëra na näk dhaagø.

³¹Ni wäät Beria beege Eber ki Melkiël na näk wää Bërjeth.

³²Eber beeye wää Jeplëtha ki Cömär, ki Kötham, ki cöökge ma Cuwëk mana näk dhaagø.

³³Ni wäät Jeplëtha beege Pacëk, ki Beemal, ka Acebeth. Moøgø beege wäät Jeplëtha.

³⁴'Ba wäät Cömär beege Aki, ki Rööga, ki Jeuba, ka Aram.

³⁵Ni wäät coki ma Këlem beege Jöpa, ki Yimna, ki Celec, ka Amal.

³⁶Ni wäät Jöpa beege Cuwa, ka Arnëpër, ki Cögal, ki Bëri, ki Yimara,

³⁷ki Böcör, ki Öd, ki Cimia, ki Cilca, ki Ithran, ki Bëëra.

³⁸Wäät Jether beege Jöpöni, ki Picpa, ka Ara.

³⁹Wäät Ula beege Araa, ka Aniel, ki Ridhiya.

⁴⁰Moøgø bëët beege jø tuuŋ Acer na näk wïth dhøk uudi moge, ni gena cwøw leny mo teek moa no ojierø, ni beege bwöthe moa perge leth. Ni kwään nyeŋ cwøw moa näk orømø ki ciin baŋ leny na näk nyeŋge ogöör yi wëël nyeŋ beege kume ma pïërariiø ka abïciel.