Read anuak Neemiya 10 Bible Online

Neemiya 10 - anuak bible

Neemiya 10

¹'Ba jøøa näk nyeŋge ogöör piny bäät wëëlö manøgø no omwönö enø, beeye kwäärö mar paac ma Neemiya wär Akaliya, ki Cëdëkiya.

²'Ba nyeŋ dïlämme beege Ceraya, ka Adhariya, ki Jeremaya,

³ki Pacuur, ka Amariya, ki Malkiya,

⁴ka Atuc, ki Cebaniya, ki Maluk,

⁵ka Arim, ki Merëmöt, ko Øbadiya,

⁶ki Daniel, ki Ginetön, ki Baruk,

⁷ki Meculam, ka Abija, ki Miyamin,

⁸ki Maadhiya, ki Bilgay, ki Cemaya.

⁹'Ba nyeŋ jø tuuŋ Libay beeye Jëcua wär Adhaniya, ki Binuy na käl røk nyïïkwaac Ënadat, ki Kadmiël,

¹⁰ki jø wø tïïge ki geni ciel, ni beege Cebaniya, ko Odiya, ki Kelitha, ki Pelaya, ka Anan,

¹¹ki Mika ki Reeyöp, ka Acabiya,

¹²ki Dhakur, ki Cërëbiya, ki Cebaniya,

¹³ko Odiya, ki Bani, ki Beninu.

¹⁴'Ba nyeŋ dïbwöthe moa käär jiy beege Paröc, ki Paath-Möap, ki Ilam, ki Dhatu, ki Bani,

¹⁵ki Buni, ka Adhigad, ki Bëbay,

¹⁶ka Adöniya, ki Bigway, ka Adin,

¹⁷ka Ather, ki Edhekaya, ka Adhur,

¹⁸ko Odiya, ka Acum, ki Bëdhay,

¹⁹ka Arip, ka Anathöth, ki Nëbay,

²⁰ki Magpic, ki Meculam, ki Ëdhir,

²¹ki Mecëdhabël, ki Dhadök, ki Jadua,

²²ki Pelathiya, ka Anan, ka Anaya,

²³ka Awcë, ka Ananiya, ka Acub,

²⁴ka Alöec, ki Pilaa, ki Cöbëk,

²⁵ki Reum, ka Acabna, ki Maycëya,

²⁶ka Akiya, ka Anan, ka Anen,

²⁷ki Maluk, ka Arim, ki Baanaa.

²⁸'Ba jiy møga bëët, ki dïlämme, ki jø tuuŋ Libay, ki jø wø koor dhøgi mo kal mar Øt Jwøk, ki jø wø wär ki dudi Øt Jwøk, ki jø wø tïïö yi Øt Jwøk, ki jiy bëët moa käl dëëtge wøk ki røk wïth juurre ki man cïpge dëëtge jï ciik Jwøk, geni ki määrge ki wäätge, ki nyïïge, ni beege jøøa näk tier luubö cøøa wïthge,

²⁹gena dwätö ki nyïïmëëkge, ni beege dïbwöthe moge, ni lamge dëëtge ni kööŋge ki man cääthge køør ciik Jwøk na cïp Jwøki ki ri dhaanhnhe ma Modhe, ki man gwøkge gïïa cem kwäärö Wuuö Jwøki bëët, Jwøk marø, ki luup ŋøl moe, ki pwöc moe, ni köge,

³⁰ni «Nyïïø ba cïbø jï juurre nee nywømge, ni ba lwørø nyïïge nee nywømø jï wäätø.

³¹«Ni kanyo ö wïth juurre noo känge ki beel ki jammi mo di gadhø ki Cäŋ Jwömö, øøni, ø ba ŋëëö baŋge ki Cäŋ Jwömö, ki cäŋ mo ena kur keere na mar Jwøk. Øøni, kany wø tïme na ri bïriet cwiiri, ø ba purö, ni wiiø pïït bëët bäät jiy, ni ba piirø këët.

³²«Øøni, ki køør ciik moa näk ocïp piny, ajwäk tïmö ni ena bäätø ki man cïpø ka ajwää cwiir, ni ŋati man nø cïpö ki thääŋ gwelø man wø cwøl ni cekel, ni beeye kiper tïïc mar Øt Jwøk marø,

³³kiper muunni moa näk nyuuthe na en kur keerge, kiper muuce mo beel mo wø cïp cooth, kiper olämme mo wø waaŋ bäre mo wø cïp cooth, kiper olämme mo wø cïp ki Cäŋ Jwömö, ki cäŋ ajwöma man wø en dïcäŋo päär dwääyi yie, ki cääŋŋe mo ajwöm moa näk ocaanø, kiper muuce moa en kur keerge na mo Jwøk, kiper olämme mo wø cïp kiper raay, ni cïp kaper jø Icriel, kiper tïïe bëët mo Øt Jwøk marø.

³⁴«Øøni, nyuuthe mo wø tïïc ni pätha baŋ jøøi nø atïïø kiper dïlämme, ki jø tuuŋ Libay, ki jiy møga, kiper nee jøøi nø ki yi cwiir kany wø pïïc karge yie, nee ge wø känge ki jenni mo otal jï Øt Jwøk marø, kiper nee wø waaŋ bäät gïn wø cïp olämme bääte mar Wuuö Jwøk, Jwøk marø, kaawat mana näk ogöörö yi wëël ciik Jwøk. Ni jøøi nø ge känni ka køør dhøk uudi moge.

³⁵«'Ba øøni, ki yi cwiir cooth ø kännö ki wïth caammi mo wø kwøŋ ciek yi ŋöömö marø, ki wïth nyïïjenni bëët mo wø kwøŋ ciek, ni kälø geni yi Øt Wuuö Jwøk.

³⁶«Øøni, ki køør mana näk ogöörö yi wëël ciik Jwøk, wäätø moa näk kaai, ki nyïï lääc paac 'moø moa näk kaai, ki nyïï dhäk 'moø moa näk kaai, ki nyïï dïëk 'moø moa näk kaai kälø yi Øt Jwøk marø jï dïlämme 'moø ni tïïö yi Øt Jwøk marø yøø.

³⁷«Øøni thuwø, muk beel 'moø moa nyärö, ki muuce mo thwöth beel moø, ki nyïïjenni ma teeŋi mo wø kwøŋ ciek, ki kwøk nyïïomøki moa nyärö, ki maaw man wø kwøŋ wel, cïbø cïbö jï dïlämme yi øt kän mar Øt Jwøk marø, ni cïbø paac wïth jammi 'moø mo wø joodø yi ŋöömö marø jï jø tuuŋ Libay, kiper beeye jø tuuŋ Libay ni wø jwäk paac wïth jammi yïth mïëri bëët moa en jø puuri yïthge.

³⁸'Ba dïlämi man nø, ni beege jøøa käl dëër Aran, bëëdö ki jø tuuŋ Libay moi nø na aciel kany wø ö jø tuuŋ Libayi ni wø jwäkge paac wïth jammi. Ni ö jø tuuŋ Libayi ni cïpge aciel ki ra apaar ni kïthge gø yïth uut kän mo Øt Jwøk marø.

³⁹Jø Icriel thuwø ki jø tuuŋ Libay, ajwäk mar beel moge, ki mar køøŋ nyïïomøki moa nyärö, ki maaw, wø kälge ka yïth uut kän kwöra bëët jap Øt Jwøki yïthge, kwöra bëët dïlämme yïthge moa en tïïci ceŋge, ki jø wø koor dhøgi mo kal mar Øt Jwøk ki jø wø wär ki dudi yi Øt Jwøk. «Øøni Øt Jwøk marø ba raŋø na gïn mo jööt jaak.»