Read anuak Neemiya 11 Bible Online

Neemiya 11 - anuak bible

Neemiya 11

¹'Ba dïbwöthe gena bëëdö ni ge bëëdö Jerucalem. 'Ba jiy bëët møga nyuuthe mo wø tïïc ni pätha bäät ŋati man nø atïïcge, ni ŋato päth bääte nø røk jiy apaar nee kälge nee bëëde Jerucalem, päänya en kur keere na mar Jwøk, nee jiy abïŋween moi nø mo odööŋ ki ra apaar nee bëëtge ni ge bëëdö yïth päänye møga.

²'Ba jiy bëët moa jïëy keerge ki met ec ki man bëëtge Jerucalem, gena pwøc jiyi.

³'Ba da dïbwöthe mo paac mo bëëdö Jerucalem. 'Ba jø Icriel møøk, ki dïlämme, ki jø tuuŋ Libay, ki jø wø tïïö yi Øt Jwøk, ki nyïïkwaac laak Cølöman, moa bëëdö yïth päänye mo Juuda, ge bëëdö ni ŋati man nø bëëdö yïth ŋøøpe, yi pääny mare mana bëëde yie.

⁴'Ba da jiy møøk røk jø tuuŋ Juuda, ki røk jø tuuŋ Benjamen mo bëëdö Jerucalem. Ni jøøa käl ri tuuŋ Juuda beeye Athaya wär Udhaya, nyikwaar Dhekaraya, nyikwaar Amariya, nyikwaar Cepathiya nyikwaar Maalalel, ni jøøgø ge käla røk nyïïkwaac Peereth;

⁵ki Maycëya o Baruk, nyikwaar Köl-Ödhë, nyikwaar Adhaya, nyikwaar Adaya, nyikwaar Jöyarip, nyikwaar Dhekaraya, ni jøøgø ge käla røk nyïïkwaac Ceela.

⁶'Ba kwään jøøa käl dëër Peereth bëët, jøøa teek ki leny, na bëëdö Jerucalem, beege jiy ma dïpe aŋween ki pïërabïciel ka abära.

⁷'Ba jøøa käl ri tuuŋ Benjamen beeye Caallu o Meculam, nyikwaar Jöed, nyikwaar Pedaya, nyikwaar Kölaya, nyikwaar Maycëya, nyikwaar Itiel, nyikwaar Jicaya;

⁸ki Gabay ki Calay, geni na dwätö ki Calu. Ni kwään jø tuuŋ Benjamen bëët beege dïpe abïŋween ki pïërariiø ka abära.

⁹'Ba Jool o Dhikri beeye ŋata bëëdö na wïth jøøgø yi pääny, ni ö Juuda wär Acenua ni bëëde ni ena ŋat wø caath køør kwäärö mar pääny.

¹⁰'Ba ki røk dïlämme, beeye Jidaya, ki Jöyarip, ki Jaakin,

¹¹ki Ceraya o Kilkiya, nyikwaar Meculam, nyikwaar Dhadök, nyikwaar Merayöt, nyikwaar Akitöp, na bëëdö ni øt Jwøk ena cere.

¹²'Ba geni ki jiy mo wø tïïge ki geni ciel Øt Jwøk, kwäänge beege dïpe abära ki pïërariiø ka ariiø. 'Ba Adaya wär Jeröam, nyikwaar Pelaliya, nyikwaar Amci, nyikwaar Dhekaraya, nyikwaar Pacuur, nyikwaar Malkiya,

¹³ki jiy mo wø tïïö ki eni ciel, ni beege jø wïth dhøk uudi, kwäänge beege dïpe ariiø ki pïëraŋween ka ariiø. 'Ba Amacicay wär Adharël, nyikwaar Aydhay, nyikwaar Mecilemöth, nyikwaar Imër,

¹⁴ki jø leny moa teek moa bëëdö ki eni ciel, kwäänge beege dïpa ki pïërariiø ka abära. Ni ŋata bëëdö na wïthge beeye Dhabdïël wär Agedölim.

¹⁵'Ba ki røk jø tuuŋ Libay beeye Cemaya wär Acub, nyikwaar Adhirikam, nyikwaar Acabiya, nyikwaar Buni;

¹⁶ki Cabetay, ki Jödhabat, jøøa bëëdö na wïth jø tuuŋ Libay, ni beege jø wø raŋ tïïe mo wø tïïc wøk kiper øt Jwøk;

¹⁷ki Mataniya o Mika, nyikwaar Dhabdi, nyikwaar Acaap. Ni Mataniya beeye ni wø bwøth jiy ki lam, ri pwøc mar dwøk met ec jï Jwøk, ki Bakbukiya, na caath køør Mataniya dï jø wø tïïge ki geni ciel, ka Abda o Cimia nyikwaar Galal, nyikwaar Jeduthun.

¹⁸'Ba jø tuuŋ Libay bëët moa en yi Jerucalem, päänya en kur keere na mar Jwøk, kwäänge beeye dïpe ariiø ki pïërabära ka aŋween.

¹⁹'Ba ki røk jø wø koor dhøgi mo kiir beege Akup, ki Thalmön, ki jiy mo wø tïïge ki geni ciel mo wø koor dhøgi mo kiir, ni kwäänge beeye dïpa ki pïërabïriiø ka ariiø.

²⁰'Ba jø Icriel møga, ki jø tuuŋ dïlämme møga, ki jø tuuŋ Libay møga, ge bëëdö yïth mïëri mo Juuda møga bëët, ni ŋati man nø bëëdö yïth ŋøøpe.

²¹'Ba jø wø tïïö yi Øt Jwøk, ge bëëdö bäät thuur Öpël; ni ö Dhia ki Gicpa ni bëëtge na jø wø raŋ jøøgø ni wø tïïö yi Øt Jwøk yøø.

²²'Ba ŋata bëëdö Jerucalem ni wø raŋ jø tuuŋ Libay, beeye Udhi o Bani, nyikwaar Acabiya, nyikwaar Mataniya, nyikwaar Mika. Ni Udhi beeye na käl røk nyïïkwaac Acaap, jø wø wär ki dudi Øt Jwøk.

²³Kiper geni ni wø wär ki dudi Øt Jwøk, geno kööm nyeye ki man bëëtge ni ge tïïya tïïc marge cooth ki yïth nïne bëët.

²⁴'Ba Petaya o Mecëdhabël, na käl røk nyïïkwaac Dheera o Juuda, bëëdö na kar waŋ mar nyeya, ni luup jiy bëët ena cere.

²⁵'Ba jø Juuda møøk gena bëëdö yïth mïëri moi ni nyeŋge en piny kany ii, ni ge bëëdö ni kar pwöth moge cärö ki geni. Jø møøk gena bëëdö yi Kiriat-Arba, ka atude moa en deŋŋe; jø møøk gena bëëdö Dibön ka atude moa en deŋŋe; ni bëët jø møøki yi Jekapdheel ka atude moa en deŋŋe;

²⁶ni bëëtge Jëcua, ki Mölada, ki Bëëth-Pëlët,

²⁷ka Adhar-Cuwal, ki Bëërcïïba, ka atude moa en deŋŋe;

²⁸ki Ciklak, ki Meköna, ka atude moa en deŋŋe;

²⁹ki ya Ayn Rimön, ki Dhöra, ki Jërmut;

³⁰ki Dhanöwa, ka Adulam, ki yïth mïëri moa en deŋge; ki Lakic, ki yïth pwöth moe; ka Adhëka ka atude moa en deŋŋe. Ni kwöra bëëtge yïthge atägö ki Bëërcïïba këël mana këët goor Inöm.

³¹'Ba mïëri moa bëët jø tuuŋ Benjamenni yïthge beege Gëba, ki Mikmac, ki Gaay; ki Bëthël ka atude moa en deŋŋe,

³²ka Anathöth, ki Nöp, ka Ananaya,

³³ka Adhör, ki Reema, ki Gitayim,

³⁴ka Adid, ki Dheböym, ki Nebalat,

³⁵ki Löt, ko Onö, ki yi Gool Mar Rëëmme.

³⁶'Ba thäk jø tuuŋ Libay møøk moa kwøŋ bëëdö yi ŋööm jø tuuŋ Juuda, gena bëëdö yi ŋööm jø tuuŋ Benjamen.