Read anuak Neemiya 12 Bible Online

Neemiya 12 - anuak bible

Neemiya 12

¹'Ba moi beege nyeŋ dïlämme ki nyeŋ jø tuuŋ Libay moa kwøŋ duuö ki Babiløn ni ge cäädhi ka Dherubabel o Celatiyal, ki Jøcua na näk Kwääy Lam Mana Dwøŋ. Ni nyeŋ dïlämme beeye Ceraya, ki Jeremaya, ki Edhera,

²ka Amariya, ki Maluk, ka Atuc,

³ki Cekaniya, ki Reum, ki Merëmöt,

⁴ki Idö, ki Ginetön, ka Abaaja,

⁵ki Miyamin, ki Maadiya, ki Bilga,

⁶ki Cemaya, ki Jöyarip, ki Jidaya,

⁷ki Caallu, ka Amök, ki Kilkiya, ki Jidaya. Moøgø beege nyeŋ dïlämme moa näk dïbwöthe, ki dïlämme mo wø tïïge ki geni ciel yïth nïra beet Jøcua ni ena Dïlämme Mana Dwøŋ.

⁸'Ba nyeŋ jø tuuŋ Libay beeye Jëcua, ki Binuy, ki Kadmiël, ki Cërëbiya, ki Juuda, ki Mataniya, ŋat wø bwøth jiy ki dudi ri pwøc mar dwøk met ec jï Jwøk, eni ki jiy mo wø tïïö ki eni ciel.

⁹Ni kany wø wärge, Bakbukiya ko Oni, jø wø tïïge ki geni ciel, nut kany wø päth tïïci marge ceŋge yie. Ni ge cuŋŋö ni dïët ki nyïmge ni ge wär thuwø.

¹⁰'Ba Jøcua na näk Kwääy Lam Mana Dwøŋ beeye wää Jöyakim, ni Jöyakim beeye wää Eliyacip, ni Eliyacip beeye wää Jöyada,

¹¹ni Jöyada beeye wää Jönathan, ni Jönathan beeye wää Jadua.

¹²'Ba jøøi ii ni nyeŋge en piny kany ii beege dïlämme moa bëëdö na wïth dhøk uudi yïth nïra beet Jöyakimmi ni ena Kwääy Lam Mana Dwøŋ: Ki røk jø dhi øt Ceraya beeye Meraya, ki røk jø dhi øt Jeremaya beeye Ananiya,

¹³ki røk jø dhi øt Edhera beeye Meculam, ki røk jø dhi øt Amariya beeye Jöanan,

¹⁴ki røk jø dhi øt Maluk beeye Jönathan, ki røk jø dhi øt Cebaniya beeye Jocep,

¹⁵ki røk jø dhi øt Arim beeye Adina, ki røk jø dhi øt Merayöt beeye Ëlkay,

¹⁶ki røk jø dhi øt Idö beeye Dhekaraya, ki røk jø dhi øt Ginetön beeye Meculam,

¹⁷ki røk jø dhi øt Abaaja beeye Dhikri, ki røk jø dhi øt Miniamin, ki dhi øt Möadiya beeye Pilthay,

¹⁸ki røk jø dhi øt Bilga beeye Cimia, ki røk jø dhi øt Cemaya beeye Jönathan,

¹⁹ki røk jø dhi øt Jöyarip beeye Mathanay, ki røk jø dhi øt Jidaya beeye Udhi,

²⁰ki røk jø dhi øt Calay beeye Kalay, ki røk jø dhi øt Amök beeye Eber,

²¹ki røk jø dhi øt Kilkiya beeye Acabiya, ki røk jø dhi øt Jidaya beeye Natanel.

²²'Ba jø tuuŋ Libay moa bëëdö na wïth dhøk uudi na nut yïth nïra beet dïlämme moa døøŋŋø ma Eliyacip, ki Jöyada, ki Jöanan, ki Jadua, nyeŋge agöör piny, ki nyeŋ dïlämme moa bëëdö na wïth dhøk uudi, këël mana këët yïth nïra beet Dariöc ni ena nyeny Parca.

²³'Ba jø tuuŋ Libay moa bëëdö na wïth dhøk uudi, gena bëëdö ni nyeŋge gööra piny yi wëël nyeŋ jiy moa perge leth këël mana këët yïth nïra beet dïlämi ma Jöananni nyikwaar Eliyacip.

²⁴'Ba jiy moa bëëdö na wïth jø tuuŋ Libay beeye Acabiya, ki Cërëbiya, ki Jëcua o Kadmiël, ki jiy mo wø tïïge ki geni ciel ni ge pwøya Jwøk ni ge dwøga met ec jï Jwøk; ni jøøgø ge cuŋŋö ni ge dïët ki nyïmge kany wø päth tïïci marge ceŋge yie ki køør mana näk ocaan dhaanh Jwøki ma Deebit.

²⁵Ni ö Mataniya, ki Bakbukiya ko Øbadiya, ki Meculam, ki Thalmön, ka Akup, jø wø koor dhøgi mo kiir, ni bëëtge ni ge koora uut kän moa en dhøgi mo kiir.

²⁶'Ba jøøgø bëët beege jiy moa tïïö yïth nïra beet Jöyakimmi o Jøcua nyikwaar Jöcëdëk ni ena Kwääy Lam Mana Dwøŋ, ki yïth nïra beet Neemiya ni ena kwäärö mar paac, ki yïth nïra beet dïlämi ma Edhera, eni na dïpööy mar ciik Jwøk.

²⁷'Ba kanya tïme na cäŋa cïp kiir mar Jerucalem kur keere yie na mar Jwøk, jø tuuŋ Libay amanynyi yïth kwöra bëëtge yïthge bëët, ni käl geni Jerucalem nee cäŋ manøgø mana cïp kiir yie kur keere na mar Jwøk wøørge ki met ec, ki dudi mo dwøk met ec, ki dudi mo wär ka athiliiŋŋi, ki mo pwöt ki thøme ki thøp-othïënhö.

²⁸Ni ö jø wø wär ki dudi yi Øt Jwøk ni öge kanya ciel ni ge käli ka yïth mïëri moa en deŋ Jerucalem, ki yïth mïëri mo jø Nethöpa,

²⁹ki moa en Bëëth-Gëlgëla, ki moa bëëdö yïth kwöra en deŋ pääny Gëba, ki deŋ pääny Adhemawët. Kiper jø wø wär ki dudi yi Øt Jwøk dëëtge ege gëënnö ka atude deŋ Jerucalem.

³⁰'Ba kanya ö dïlämme ki jø tuuŋ Libay na nø cïpge dëëtge kur keerge ni ge waany, geni, jiy ki dhøgi mo kiir ki kiir acïpge kur keerge ni ge tïïya geni ni waany.

³¹Køøre a na Neemiya, dïbwöthe mo jø Juuda, gena tïïa nee ethge wï kiir maal, ni ö jiyi mo thööth døc, jø wø wär ki dut dwøk met ec jï Jwøk, ni cïïmma geni na dhøgi ariiø, nee mana dïkwøŋ cør bäät kiir løøa en bäät cwïïc jï kuna en dhi kiiri yie man wø cwøl ni Dhi Kiir Wï Thur ni ge tïïö ki thaabuur.

³²Ni ö Ocaya ki thäk dïbwöthe mo Juuda, ni caathge køør jøøgø,

³³geni ka Adhariya, ki Edhera, ki Meculam,

³⁴ki Juuda, ki Benjamen, ki Cemaya, ki Jeremaya;

³⁵ki dïlämme møøk mo ceŋge da tuŋi, ki Dhekaraya wär Jönathan, nyikwaar Cemaya, nyikwaar Mataniya, nyikwaar Mikaya, nyikwaar Dhakur, nyikwaar Acaap;

³⁶ki jø wø tïï Dhekaraya ki geni ciel, ni beeye Cemaya, ka Adharël, ki Milëlay, ki Gilëlay, ki Maay, ki Natanel, ki Juuda, ka Anani, ni geni ceŋge da teeŋ jammi mo wø wär dudi ki geni ki køør mana caan dhaanh Jwøki ma Deebit. Ni ö Edhera, eni na dïpööy mar ciik Jwøk, ni cäädhe nyïmge.

³⁷Ni ŋutge ki dhi kiir man wø cwøl ni Dhi Kiir Jøøro, ni ge etha maal ki øtjöö mana näk okïthö ki kwör tiel thääŋ Jerucalem man wø cwøl ni Pääny Deebit, ni pööthge ki bäät kiir mana näk wï øt Deebit ee kaalø, ni ge cøøa dhi kiir man wø cwøl ni Dhi Kiir Pïï na en jï løø kur tuul-cäŋ.

³⁸'Ba riet jø wø wär ki dut dwøk met ec, gena cør løøk maya ni ge cäädhi ka bäät kiir ni jøw tïïö ki thaabuur, ni aani ki thäk jiy møga wa cäädha køørge, ni cige ni kaalge øt koor man wø cwøl ni Øt Koor Mar Jø Bul Ki Dääpe, ni ge cøøa ri kiir kanya näk odhïŋ,

³⁹ni pööthge ki bäät dhi kiir man wø cwøl ni Dhi Kiir Ipariem, ki bäät dhi kiir man wø cwøl ni Dhi Kiir Jecana, ki bäät dhi kiir man wø cwøl ni Dhi Kiir Rec, ki buut Øt Koor Mar Ananel, ki buut øt koor man wø cwøl ni Dïpa, këël mana pïïcge ri dhi kiir man wø cwøl ni Dhi Kiir Dïëk. Ni ö geni ni ŋuutge dhi kiir man wø cwøl ni Dhi Kiir Jø Koor.

⁴⁰'Ba kanya pïïc jøw bëëti Øt Jwøk, jøøgø na dhøgi ariiø yøø, na wär ki dut dwøk met ec jï Jwøk, kwörge amaaŋge, ni ööa thuwø ni maa kara ki thäk jø kööre na aciel;

⁴¹waani ki dïlämme, ni beeye Eliekim, ki Maycëya, ki Miniamin, ki Mikaya, ki Eliyönay, ki Dhekaraya, ka Ananiya, ni geni ceŋge da tuŋi;

⁴²ki jøøa caath køørge, ni beeye Maycëya, ki Cemaya, ki Eliedhar, ko Udhi, ki Jöanan, ki Malkiya, ki Ilam, ki Ëdhör. Ni jø wø wär ki dudi, ge wär ni ge bwøtha Jedheriya.

⁴³'Ba dïcäŋögø jiy acïpö ko olämme mo thööth døc, ni bëëtge ni yïthge met kiper Jwøk acïpö jïge ki met ec mo dwøŋ; ni ö määnni ko obwöre ni mïn yïthge. Ni ö dwør mïn eci mana tägö Jerucalem ni put wïnyö kany mo bäär.

⁴⁴'Ba dïcäŋögø da jiy maa kwany mo en uut känni ceŋge mo kïth jammi yïthge, ni beege muuce mo beel, ki caammi mo wø kwøŋ ciek, ki paac wïth jammi, ki caammi mo wø käli ki yïth pwöth mo mïëri moge, ni beege jammi moa näk ocaanø yi ciik Jwøk kiper nee wø cïp jï dïlämme ki jø tuuŋ Libay. Kiper jø Juuda yïthge amïnnö ki dïlämme ki jø tuuŋ Libay kiper tïïc mana tïïcge.

⁴⁵Kiper geni tïïc akäärge na kare, ni beeye tïïc mana wøørge Jwøk marge ki gø, ki tïïc mana tïïcge na cïpge jammi kur keerge ki gø na mo Jwøk. Ni geni ki jø wär ki dudi, ki jø wø koor dhøgi mo kiir, jøøi nø ge tïïö ka køør mana näk ocaan Deebiti ki wääde ma Cølöman.

⁴⁶Kiper ya acääŋŋe yïth nïra beet Deebiti ka Acaapi, da jiy mo bëëdö na jø wø bwøth jø wø wär ki dudi, na jø wø bwøth jiy ki dut pwøc ki dut dwøk met ec jï Jwøk.

⁴⁷'Ba ki yïth nïne moa beet Dherubabelli ki yïth nïne moa beet Neemiya, jø Icriel bëët gena bëëdö ni ceŋge jwäkge jwääö ni cïpge cam cooth mar yi cäŋ man nø jï jø wø wär ki dudi Øt Jwøk ki jï jø wø koor dhøgi mo kiir. Ni ö geni thuwø ni cïpge jammi moa no ocïp kur keerge na mo Jwøk jï jø tuuŋ Libay, ni ö jø tuuŋ Libayi ni cïpge thääŋŋe mør kur keere jï dïlämme ma nyïïkwaac Aran.