Read anuak Jööp 17 Bible Online

Jööp 17 - anuak bible

Jööp 17

¹«Aani cwïnya aränynyö, ni ö nïr kwøw 'moa ni nø ŋøli ni nøk, ni bwörö oløny ni koora aani.

²Ka adïëri møn, jø abuua a ege cielø, naa raŋŋa apääda marge man ni tïïcge dëëra en.

³«Wui Jwøk, kööŋï ki man wïnynyï luubö mara! ?Aŋø, da ŋat mør këët nø mo cwaga aani?

⁴Kiper ïïni ŋeth marge acïëgï nee tiet luup ba kwanyge; kiper manøgønø, ge ba tïïyï këët nee ge wøør.

⁵Ŋat wø waac nyeŋ nyïïawääte ki piny nee jïte ki gwel, nyeŋ nyïïe otïmö ni rääbö ki køør ajäla.

⁶«Jwøk aana tïïe na gïr aŋaada jï jiy, ni tïma ni aana ŋat ŋuut jiyi bääte ki laaw.

⁷Nyeŋŋa atïmö ni rääbö ki kïmmö; ni tïm dëëra ni cäätha piny kaamar tïpö.

⁸Jiy moa näk bëëtö marge thïïŋ na beyø, yïthge othäŋŋi ni lwäcge ki gïn, ni ö dhaanhø mo bäŋ gïn mo ee baa ni ö maal bäät ŋat raay ni jääl gø.

⁹'Ba dhaanhø mo bëëtö mare tiir nyïm Jwøk, bëëtö mare oput mak; ni ö ŋat mo ceŋŋe waany ni put cääth nyïm ni teek.

¹⁰«'Ba ennø, ööu bëët, ni cäŋu gø päänynyö. Aani, a ba jïti ki dhaanhø mo wïïe leer dïïu.

¹¹Aani, nïne 'moa anø pöödhö, ni ö japa näk yaa cïp piny nee tïïa yi nyïm, ge ki jammi bëët mo wø manynya ki cwïnya, ni nø ränyge.

¹²Nyïïawääta moi, wäär awiilge na dïcäŋ; ni köge, ni ‹Tar kare cään,› naa poot ena yi muudhö.

¹³Ni näk mo kany ŋäädha keere beeye kar bëët jwïëc jøøa no othøw, ni kar niine mara ena yi muudhö,

¹⁴ni kööa jï bwörö, ni ‹Ïïna wära,› ni kööa jï twöŋi ni ‹Beege mera ki coka,›

¹⁵?tier ŋäädhe mara age nø? ?Aŋø, da ŋat mo cädö këët ni da ŋäädhe kipera?

¹⁶?Aŋø, puta ci piny ki aani na aciel kar bëët jwïëc jøøa no othøw? ?Aŋø, wa puta lööp piny na aciel bëët yi tør?»