Read anuak Jööp 36 Bible Online

Jööp 36 - anuak bible

Jööp 36

¹Køøre Eliyu ena bëëdö ni poot cäänö ni kööe,

²ni «Koor aani ki kany mo thiinh, nee luup møøk cäŋa caannø kiper Jwøk.

³Aani jammi moa kwanya käla kwör ma teeŋi; ennø, a caana gø ki man näk mo Jwøk na cwääc aani, mare beer.

⁴'Ba ka adïëri møn, luup 'moa patha luup tööt; ŋata wïïe leer na näk okwänynyö na kare bee aani ni en dïïu en.

⁵«'Ba ka adïëri møn, Jwøk beeye na teek ni bäŋ dhaanhø mo raŋe ni ee taaø; ni teek mare ki man ŋäc tiet jammi opöödhö.

⁶Eni jø wø tïïc gïïa reyø ba wiie ni kwøw; 'ba jøøa no ocaarø, luup moge wø ŋøle ŋølø na kare.

⁷Ni eni waŋe ba daae bäät jøøa bëëtge tiir; 'ba ge cïbe bäät wälu na aciel ki nyeye, ni bëëtge no owøørø na bäre bäre.

⁸Kany wø tööc jiy ki tiimme, ni päthge yïth thøøli mo jwør gïï mo leth,

⁹Jwøk nyootha tïïe moge jïge ki raay moge, ni beege japa töötge kiperge.

¹⁰Eni ge wø tïïe tïïö nee ïthge cekge ki pwöc, ni kööm geni ki man løkge cwïnyge yïth raay moge.

¹¹'Ba geni, ni näk mo ge jïëy ni tïnyge eni, nïr kwøw moge moa dööŋ dege thöörö ni bëëtö marge orømø, ni thöörge cwiiri moge ni ge ena yi met ec.

¹²'Ba ni näk mo ïthge ba cekge, ge di nääö ko opëëllö, ni thøwge ni ge kär kwänynyö.

¹³«'Ba jøøa näk cwïnyge tøør ri Jwøk, ge bëëdö ni geno gootø; geni ge ba jwöŋi kiper køny kany wø ö Jwøki wø wëëk ge twöc.

¹⁴Geni, ge wø laara thøø ni ge poot kär jal. Aŋuun kwøw marge wø laara cuuŋö, ni beege ki cwøw mo wø tïïc tïï käp yïth uut juu moa näk patha adïëri.

¹⁵'Ba Jwøk jiy moa en yïth gïï mo leth wø käle wøk ki yïth gïïa leth moge na enge yïthge; ni tïïc geni nee ïthge cekge ki pwöc moe, kany wø enge yïth gïïa leth.

¹⁶«'Ba ï na Jööp, Jwøk ïïna käl wøk ki dhøk gïïa leth, ni cïp ïïni kany mo laac miï bëëdö ni ïïno pädö yie, ni buutï päŋ ki caammi.

¹⁷'Ba ennø, bäätï ajïtö ki teeŋ ajäla man wø ö bäät jøøa bëëtge reyø; ni ö ajäla ki ŋøl luup ni ciel ïïni.

¹⁸Beerra man gwøgï riï nee wïïï ba maaŋ jap kwärri; ni ba løøï wïïï wøk ki køør jap wø thööth ni wø cïp ki piny.

¹⁹?Aŋø, iï caarø ni jap kwärö moï ki teek marï bäre, niï mäne mänö ki man pïïc gïï mo lethi bäätï?

²⁰Kär muudhö parï ki man ööe, ni wø rïëm jiy wøk ki yïth mïëri moge.

²¹Gwøk riï ni ba døøï yïth raay, kiper beeye ki køør raay ni jwørï gïï mo leth en.

²²«Ka adïëri møn, Jwøk bëëdö no owøørø ki teek mare. ?A dïpööy mane ni caal eni?

²³?Aŋa ni wø nyooth uutjïëth tïïe moe mo wø tïïe, wala mo oköö jïgø ni ‹Ïïna bääyö›?

²⁴Par wïïï ki man tïŋï nyeŋŋe maal kiper tïïe moe na näk ocäŋ jiyi ki dudi.

²⁵Tïïe moe ajoot wïth juurre bëët, ni jooti ya jiyi moa kwörge bäyö.

²⁶Ka adïëri møn, Jwøk dwøŋ ni ba løny ki man ŋääø bëëtö mare bäre; ni ba løny jïïø ki man ŋääø cwiic kwøw moe.

²⁷«Eni, ŋiith pïï ajääŋ maal, nee tïme na pøøl,

²⁸ni wëëk gø løø ni lwör piny na køth, ni tïm køthi ni pätha bäät jiy ni päl døc.

²⁹?Aŋa ni ŋäc yi jöö mana ö eni na peer pøøl ki gø, ki yi jöö man wø wëëk odäru köö ki gø yi kar bëëtö mare maal?

³⁰Raŋï, eni agaackøth mare wø keethe keethø deŋŋe, ni ö kudi mo naama dwøŋ ni pääŋ ge ki pïï.

³¹Moøgø beege uutjïëthe mo wø käär wïth juurre ki ge, ni eni wø cïpö ki cam mo päl jïge.

³²Eni cere wø wëëge pääŋö ka agaackøth, ni kööm gø ki man gööye kanya manynye.

³³Odäru mare nyootha öönynye, ni ö lääc paaci thuwø ni ŋäcge öö mare.»