Read anuak Dut Pwøc 100 Bible Online

Dut Pwøc 100 - anuak bible

Dut Pwøc 100

¹U ni en bäät piny bäre, pwøyu Wuuö Jwøk ni döötu ena maal ni mïn yïthu.

²Tïnynyu Wuuö Jwøk ni yïthu met, ni ööu nyïme nou wär ki dudi ni döötu ena maal.

³Wär ŋäyu ni Wuuö Jwøk ki dëëre beeye Jwøk. Bee eni na cwääc øøni, ni øøna moe; øøna thööge, ni ø caala pïïth dïëk moe ni wø kwaaye.

⁴Dønyu ki dhi kal mar øt lam mare nou dwøga met ec jïre, ni pwøyu eni dï kal mare. Dwøgu met ec jïre, ni pwøyu eni.

⁵Kiper Wuuö Jwøk beer, ni mëër mare ni wø ba jøøl bëëdö na bäre bäre, na adïëri mare nut cooth ki yïth beenhnhe bëët.