Read anuak Dut Pwøc 11 Bible Online

Dut Pwøc 11 - anuak bible

Dut Pwøc 11

¹Aani raa wø kana buut Wuuö Jwøk. ?Aŋø, u kööu ki aani nidïï, ni «Ciï ni reŋŋï bäät kïte kaawat man wø määt wenyø;

²kiper adïëri møn, jø raay atume moge ajiiŋge; athëëre moge ege nø cïp bäät thøøth atume moge, kiper nee ge thööthge ki yi muudhö, ni ge thööya jøøa marge thïïŋ.

³?Ni näk mo piny bëëdö ni ränynyö, agïnaŋø noo løny ki man tïïyi ya jøøa marge thïïŋ?»

⁴'Ba Wuuö Jwøk nut kar bëëtö mare na en kur keere, ni wälu mar Wuuö Jwøk ena maal. Eni bëëdö ni raŋŋa bëët jiy bëët.

⁵Wuuö Jwøk jøøa beyø ki jø raay wø raŋŋe raŋŋø, ni ö eni ni männe ki ŋat wø tïïö ki gïï mo reyø.

⁶Eni cuk mo liel ki maac mo päl døc oleeŋ bäät jø raay, ni jääl geni ki jamø mo lïëth mo wääŋö.

⁷Kiper Wuuö Jwøk mare beer bäre, ni yie met ki tïïc gïï mo beyø; jøøa marge thïïŋ täärnyïm Wuuö Jwøk jootge joodø.