Read anuak Dut Pwøc 110 Bible Online

Dut Pwøc 110 - anuak bible

Dut Pwøc 110

¹Manøgø beeye duut Deebit. Wuuö Jwøk aköö jï kwäärö mara, ni «Pï bäät cwïïa, këël mano tïïa nyïïmän moï na køøm tietï.»

²Wuuö Jwøk teek kwär marï otïïe nee nyaae ni tägi ka yi Dhayan, ni bëëdï ni nyïïmän moï ena tierï.

³'Ba dïcäŋ wø këëdï ki nyïïmän moï, jiyï wø puta ö maal ki met ec; ni ö wøpe moï ni öge baŋï ka ajiem mo dwøŋ, ni ge thööth ni ge caala thööy mo amöölla.

⁴Wuuö Jwøk anø kööŋ, ni mana caane ba wiile këët, na kööe, ni «Ï bëëdö ni ïïna dïlämi na bäre bäre, niï caala Melkidhedek.»

⁵Wui Wuuö Jwøk, kwäärö ena bäät cwïïï, eni, dïcäŋo wëëre, wïth nyeye di nyadhø.

⁶Eni luup wïth juurre di ŋølø, ni tïïc piny ni päŋ ki dëët jiy mo othøw, ni nyath wïth kwääri mo tiet mïëri mo thööth.

⁷Eno mäthi ki pïï yi waŋ mo ena deŋ jöö; køøre nø, dïïm otïmö ni ena jïre.