Read anuak Dut Pwøc 111 Bible Online

Dut Pwøc 111 - anuak bible

Dut Pwøc 111

¹Manøgø beeye duut Deebit. Alëluya, pwøc en jï Wuuö Jwøk. Aani Wuuö Jwøk pwøa pwøø ki cwïnya bäre dï jøøa marge thïïŋ ni wø dwäti na aciel, ni pwøa eni thuwø dï acooŋa bäre.

²Tïïe mo Wuuö Jwøk døøŋŋø døc, ni ö jøøa yïthge met ki tïïe moøgø ni lääŋge geni.

³Tïïe moe duua wödö ka ajiem jïre, ni ö adïëri mare ni bëëde na bäre bäre.

⁴Eni wïth jiy apare ki tïïe moe ni wø rëëm ec. Wuuö Jwøk yie bäth ni mëër ki jiy.

⁵Jø wø lwäär ki eni wø di caamø, ni ö luumme na näk ee tuudö cøøn ni bëëde ni lääŋŋa gø na bäre bäre.

⁶Teek mare anyoodhe jï jiye ki ri tïïe moe, kanya cïp ŋøøp juurre jï jiye.

⁷Gïï wø tïïe bëët beege adïëri ni näkge karge, ni ciik moe bëët beege gïï mo oŋäädhö.

⁸Ni ge bëëdö karge na bäre bäre, no otïïc Wuuö Jwøki ki jöö ma adïëri mo thïïŋ.

⁹Wuuö Jwøk jiye akønye ni wïïl geni wøk; ena tudö ki luubö ki geni mo bëëdö na bäre bäre. Wuuö Jwøk nyeŋŋe ena kur keere ni di lwäärö.

¹⁰'Ba tier leec wïc mana dïkwøŋ beeye ki man lwäär Wuuö Jwøk, ni jø wø caath køør ciik moe, tier gïna beer ŋäcge. Pwøc en jï Wuuö Jwøk na bäre bäre.