Read anuak Dut Pwøc 112 Bible Online

Dut Pwøc 112 - anuak bible

Dut Pwøc 112

¹Alëluya, pwøc en jï Wuuö Jwøk! Gwïëth en jï ŋat wø bëëdö ni lwäära Wuuö Jwøk, ŋat wø bëëdö ni yie met ki ciik moe.

²Eni kunhnhe otïmö ni teeka eni dï piny, ni ö beenh jøøa marge thïïŋ ni gwïëdhi.

³Eni paare jïtö ki jammi ni kwäre, ni ö bëëtö mare na beer ni bëëde na bäre bäre.

⁴Eni bëëdö na tar mo meenya muudhö jï jøøa marge thïïŋ; ni bëëde ni mëër ki jiy, ni mare beer.

⁵Otïmö ni beer jï ŋat wø mëër ki jiy ni wø wëëk jape mac; ni wø tïïc tïïe moe ki jöö ma kare.

⁶Eni ba pädhi na bäre bäre; eni na beer gïre di lääŋŋö cooth.

⁷Eni cwïnye ba bwøk kany wø wïny gïï mo leth mo otägö; cwïnye ee maaø ni bëëdö ni ŋäätha Wuuö Jwøk.

⁸Eni cwïnye maae maaø ni ba lwäyi, këël mano joot gïna manynye dëët nyïïmän moe no othur kare.

⁹Eni wø cïpö ni yie met jï jøøa can, ni ö bëëtö mare na beer ni bëëde na bäre bäre; eno jïti ki teek ni wøør eni.

¹⁰Bëët ŋatøgø ojoot ŋata raaci ni goote, ni kaac lage ni put bääte pädhö; ni ö gïï wø many jø raayi ni ränyge.