Read anuak Dut Pwøc 113 Bible Online

Dut Pwøc 113 - anuak bible

Dut Pwøc 113

¹Alëluya, pwøc en jï Wuuö Jwøk! Pwøyu Wuuö Jwøk, u na jiye; pwøyu nyeŋ Wuuö Jwøk.

²Beerra man pwøc nyeŋ Wuuö Jwøk, ki man bëëde ennø, këël bäre bäre.

³Beerra man pwøc nyeŋ Wuuö Jwøk, ki mano täge ki jï løø kur tuul-cäŋ këël jï løø kur pänh-cäŋ.

⁴Wuuö Jwøk kare dwøŋ bäät wïth juurre bëët, na ajiem mare dwøŋ no okëët maal.

⁵?Aŋa ni pääri ki Wuuö Jwøk, eni na Jwøk marø? Bee eni ni wø bëëdö maalø,

⁶ni bee eni ni wø dwøk dëëre piny nee japa en maal ki moa en piny raŋŋe.

⁷Eni jøøa can wø tïŋe maal ki yi tør, ni tïŋ jøøa näk oööl maal ki wï bur,

⁸ni cïp geni kanya ciel ki kwääri, jøøa no ocuumö na wïth jiye.

⁹Eni dhaagø ma bwøc wø mooe mooø ki paare, ni tïme na mii obwöre ni bëëde ni yie met. Alëluya, pwøc en jï Wuuö Jwøk!