Read anuak Dut Pwøc 114 Bible Online

Dut Pwøc 114 - anuak bible

Dut Pwøc 114

¹Jø Icriel, ni beege jø dhi øt Jeekap, kanya öge wøk Ijep po jøøa dhøkge path,

²Juuda atïmö na kar bëëtö mo ena kur keere jï Wuuö Jwøk, ni bëët jø Icrielli bëët ni ena cere.

³'Ba kanya ö jø Icrielli na jooti ya Naama Kwaarri, Naama Kwaar areeŋø, ni ö Naam Jördan ni døø ŋääe.

⁴Thuuri atïmö ni pärö kaamar nyïïrööm, ni ö kïte ni tïmge ni pärö kaamar nyöök rööm.

⁵?Wui Naama Kwaar, aŋø, ïïno tïmö nidïï, ni reŋï en? ?Wui Naam Jördan, aŋø ni døøï ŋääï en?

⁶?Wui, u na thuuri, aŋø ni päru kaamar nyïïrööm en? ?Wui, u na kïte, aŋø ni päru kaamar nyöök rööm en?

⁷Wui, ï na piny, tïmï niï jäŋŋi nyïm Wuuö Jwøk, eni na Jwø Jeekap,

⁸na wëëk pïï kwön wøk ki yi kïdi, ni tïme na puul, na tïïc kïnna teek na kany wø kwön pïïyi wøk ki yie.