Read anuak Dut Pwøc 121 Bible Online

Dut Pwøc 121 - anuak bible

Dut Pwøc 121

¹Manøgø beeye duut wääth man wø wär ni jøw iitha thuur ni jøw cøøa Øt Wuuö Jwøk. A wø lwïthö ni neena kïte; ?aŋø, køny mara wø käl kaa ŋø?

²Køny mara wø käla baŋ Wuuö Jwøk, eni na cwääc maal ki piny.

³Eni tierï ba wëëk ceec; eni ni wø koor ïïni ba nanni.

⁴Eni ni wø koor jø Icriel ba nanni, ni eni bäŋ wø buti.

⁵Wuuö Jwøk beeye ni wø koor ïïni; Wuuö Jwøk beeye na gëëŋi marï.

⁶Ï ba näk cäŋŋi ki dïcäŋ, ni bäŋ gïn mo raac mo tägi dëërï ki dï wäär.

⁷Wuuö Jwøk ï di koorø dhøk gïï mo reyø bëët; eni jwïëy moï di koorø.

⁸Wuuö Jwøk ï di koorø kany wø aaï wøk paarï ki kany wø duuï paarï, kaa man bëëde ennø, këël bäre bäre.